सवारी साधनमा नयाँ इन्धन, जीएसीले ल्यायो एमोनियाबाट चल्ने पहिलो इन्जिन

चिनियाँ अटो उत्पादक ग्वांझाउ अटोमोवाइल ग्रुप कर्पोरेसन (जीएसी) ले एमोनियाँ ग्याँसबाट चल्ने पहिलो इन्जिन विकास गरेको छ । सो नयाँ विकासले ग्यासोलिन र फोसील फ्यूलबाट चल्दै आएको सवारीसाधनमा नयाँ इन्धनको विकल्प थप भएको छ । भविष्यमा यसले ग्रिन इनर्जीको क्षेत्रमा राम्रो पकड कायम गर्ने विश्वास लिइएको छ ।

कम्पनीले सो इन्धनको प्रयोगबाट चल्ने छुट्टै २.० लिटर इन्जिनको विकास गरेको हो । जसले तरल एमोनियालाई एकदमै प्रभावकारी तवरबाट इन्धनमा रुपान्तरण गर्नसक्ने जनाइएको छ । सो इन्जिनको पावर १२० किलोवाट रहेको छ भने यसले ९० प्रतिशत कार्वन उत्सर्जन कम गर्ने दावी गरिएको छ ।

एमोनीयाबाट चल्ने इन्जिनको विकास सफल भएसंगै कम्पनीले छिट्टै यसको व्यावसायिक उत्पादन थाल्ने जनाएको छ । सो इन्जिनलाई पहिलो चरणमा कमर्सियल भेइकलमा प्रयोग गर्ने र विस्तारै प्यासेन्जर कारमा समेत विस्तार गर्ने जिएसीको योजना छ ।

सो ग्याँसमा निकै नै हानिकारक पदार्थ समेत हुने कारण यसको सेफ्टि प्रोटोकल भने चुनौतीपूर्ण रहने देखिएको छ । यसको प्रयोगलाई जोखिम रहित बनाउन थप अध्यायन र अनुसन्धान गर्दै जाने कम्पनीको भनाई छ । जीएसीले हाल आयोन व्रान्डमा इभी समेत उत्पादन गरी बिक्री गर्दै आएको छ । सो ब्रान्ड चीनमा वीवाइडी र टेस्लापछि तेस्रो धेरै बिक्री हुने इभी हो ।