भारतमा इलेक्ट्रिक स्कुटरमा आगालागी हुँदा नेपालमा यसको प्रभाव के ?

पछिल्लो केही समययता भारतमा इलेक्ट्रिक स्कुटरमा हुने आगालागीको घटना सामान्य जस्तै वनेको छ । हरेक महिनाजसो कुनै न कुनै व्रान्डका इलेक्ट्रिक स्कुटरमा अगालागी हुँदा यसले जनधनमै ठूलो क्षती पुर्याइरहेको छ । हिँजोमात्र तेलंगनाको सिकन्दरबादस्थित एक इभी शोरुममा अगालागी हुँदा ८ जनाले ज्यान गुमाएका थिए भने ११ जान घाइते भए ।

विभिन्न व्राण्डका इलेक्ट्रिक स्कुटर राखिएको उक्त शोरुममा कुन इलेक्ट्रिक स्कुटरमा आगालागी भएको हो भन्ने वारे यकिन जानकारी वाहिर नआएपनि चार्ज गर्नेक्रममा स्कुटरमा आगालागी भएको तथ्य भने वाहिर आइसकेको छ । यसअघि ओकिनावा, प्योर इभी, ओला, सिम्पल वान, एथर र जितेन्द्र व्रान्डका यस्ता स्कुटरमा आगालागी भैसकेको छ । यी स्कुटरमा भएको आगालागीको प्रमुख कारण कमसल गुणस्तरको व्याट्री र इलेक्ट्रिक वायरिङमा समस्यालाई प्रमुख कारण मानिँदै आएको छ ।

भारतमा यसरी एकपछि अर्को गर्दै इलेक्ट्रिक स्कुटरमा आगालागी बढ्दै जाँदा यसले नेपाली बजार समेत प्रभावित हुने देखिएको छ । पछिल्लो समय नेपालमा भारतबाट आयत हुने इलेक्ट्रिक स्कुटरको व्रान्ड बढ्दै गएका छन् । यस्तोमा आगोलागीको घटना समेत संगसंगै बढ्दा यसले बिक्रीमै नकरात्मक प्रभाव पार्ने देखिएको हो ।

भारतमा ओकिनावा ब्रान्डको स्कुटरमा आगालागी भएपश्चात नेपालमा यो स्कुटरको बिक्री नराम्रोसंग खस्किएको र अहिलेसम्म ग्राहकले सोही विषयलाई उठान गर्ने गरेको यहाँस्थित विक्रेता कम्पनीले केही समयअघि नेपाल अटोसंग बताएको थियो । यस्तै समस्या प्योर इभीमा समेत रहँदै आएको छ ।

नेपालमा करिव ३ दर्जन हाराहारी व्राण्डका इलेक्ट्रिक टु ह्विलर कारोबार हुँदै आइरहेकोमा अधिकांश ब्राण्ड चीनबाट आयत हुने गरेका छन् । भारतबाट ओकिनावा, हिरो इलेक्ट्रिक र प्योर इभी जस्ता ब्रान्ड आयत हुँदै आइरहेकोमा पछिल्लो समय ओला ब्राण्ड समेत भित्रिने तयारीमा छ । यो स्कुटरलाई सिजी मोटर्सले आगामी इभी एक्स्पोमार्फत लन्च गर्ने तयारी गरेको हो । केही समय अघि यो ब्राण्डको स्कुटरमा समेत अगालागी हुँदा यसले बजारमा नराम्रो चर्चा बटुलेको थियो ।

भारतमा जस्तो नेपालमा हालसम्म कुनै पनि स्कुटरमा आगालागीको घटना नभएपनि यस्ता स्कुटरको सुरक्षा संवेदनशिलतालाई लिएर ग्राहकहरु शशिंकत भने वन्न थालेका छन् । एक चिनियाँ ब्राण्डको इलेक्ट्रिक स्कुटर शोरुममा भेटिएका ग्राहकको भनाइलाई आधार मान्ने हो भने नेपालमा भारतीय ब्राण्डको तुलनमा चिनियाँ व्राण्डका यस्ता स्कुटर विश्वसनिय देखिएका छन् ।

नयाँ स्कुटर खरिद गर्न शोरुम आएका ती ग्राहकका अनुसार इलेक्ट्रिक स्कुटर उत्पादनमा भारत भर्खरै प्रवेश गरेका कारण चिनियाँ व्राण्डको तुलनमा धेरै कमिकमजोरी देखिन सक्छन् । जसमध्ये कमसल गुणस्तरको व्याट्री र यससंग जोडिएको सिस्टम तथा इलेक्ट्रिक वायरिङले आगालागी निम्तिएको उनले जिकिर गरे । ‘जवसम्म भारतिय ब्रान्डले यी समस्याको उचित समाधान दिन सक्दैन तवसम्म यस्ता व्राण्डमा विश्वास गरिहाल्ने अबस्था देखिँदैन’ उलने नेपाल अटोसंग भने ।

नेपालमा चीनबाट आयत हुने केही ब्राण्डले सस्तो मूल्यमा बिक्री गर्न भन्दै कमसल स्पेकमा आधारित स्कुटर समेत आयत गरिरहेका छन् । केही कम्पनीले भने गुणस्तरमा सम्झौता नगरी अन्ताराष्ट्रिय बजारमा चलेको स्पेककै स्कुटर आयत गरिरहेका छन् । यस्तो अबस्थामा ग्राहकले मल्य संगसंगै स्कुटरमा दिइएको विशेषता र गुणस्तरका वारेमा राम्रोसंग बुझेर मात्र खरिद गर्नु उत्तम हुने देखिन्छ ।