टोयोटा नेपालले अपग्रेड क्याम्प आयोजना गर्दै

काठमाडौं – नेपालका लागि टोयोटा गाडीको आधिकारिक वितरक युनाइटेड ट्रेडर्स सिन्डिकेट (युटिएस) प्रालिले क्रिसमस तथा नयाँ वर्ष २०२२ को उपलक्ष्यमा फेस्टिभ अपग्रेड क्याम्प आयोजना गर्ने भएको छ । आगामी पुस ८ देखि १२ गते सम्म ललितपुर बखुण्डोल स्थित ग्यालेक्सी अटोमोवाइल्समा चल्ने उक्त अपग्रेड क्याम्पमा ग्राहकले अफुनो जुनसुकै कारलाई नयाँ टोयोटा कोरोला क्रस, राइज र अन्य टोयोटाका मोडलहरुसँग साटन सक्ने छन् ।

It’s Time for an Upgrade मूल नारा सहित आयोजना हुन लागेको यस कार्यक्रमको माध्यमबाट युटिएसले ग्राहकका लागि उत्कृष्ट एक्सचेन्ज योजना र आफ्नो सवारीसाधन अभिवृद्धि गर्ने सुवर्ण अवसर प्रदान गर्ने बताएको छ ।

अपग्रेड क्याम्पमा युटिएसले शर्तहरु लागू हुने गरी प्रत्येक गाडीको खरिदमा आफ्ना ग्राहकहरुलाई नगद छुट, पुरानो गाडीको उचित मूल्यांकन, आकर्षक गिफ्ट प्याकेज लगायतका अफरहरु प्रदान गर्ने बताएको छ ।