जीडब्लूएमको दशैं–तिहार अफर, ‘गो विथ मोर’मा ३ लाख रुपैयाँसम्मको लाभ

काठमाडौं–जीडब्लूएम नेपालले दसैं–तिहारलगायत चाडपर्वलाई लक्षित गर्दै ‘जीडब्लूएम फेस्टिभ अफर–गो विथ मोर’ योजना सार्वजनिक गरेको छ ।

योजनाअन्तर्गत जीडब्लूएमका विद्युतीय एसयूभी ओरा५ र हाभल जोलियन म्याक्स खरिद गर्ने ग्राहकले ३ लाख रुपैयाँसम्मका विभिन्न लाभ पाउने कम्पनीले जनाएको छ ।

यस योजनामा ओरा५ खरिद गर्दा २ लाख रुपैयाँसम्म र हाभल जोलियन म्याक्समा ३ लाख रुपैयाँसम्मका लाभ उपलब्ध हुने जनाइएको छ । कम्पनीका अनुसार अफरमा फ्री कम्प्रिहेन्सिभ इन्स्योरेन्स, सडक दस्तुर, स्पेयर टायर तथा ७ किलोवाटको चार्जर र एसेसरिज समावेश छन् ।

त्यसैगरी, ग्राहकले नगद छुट, आकर्षक एक्सचेन्ज भ्यालु तथा सहज फाइनान्सिङ सुविधा पनि प्राप्त गर्न सक्नेछन् । यी सुविधा कम्पनीले तोकेको नियम तथा सर्तअनुसार उपलब्ध हुने बताइएको छ ।

जीडब्लूएम ओरा ५ आकर्षक डिजाइन, आधुनिक प्रविधि र प्रिमियम विद्युतीय मोबिलिटीका लागि परिचित मोडल हो । प्रविधिमैत्री इन्टेरियर र आधुनिक डिजाइन रहेको यस ईभीले नेपाली बजारमा पनि ग्राहकको चासो बढाउँदै आएको कम्पनीको भनाइ छ । उक्त मोडलले २०२६ टोरोनो अटोमोटिभ डिजाइन अवाड्र्सअन्तर्गत ‘फ्यामिली कार’ विधामा बेस्ट इन्टेरियर डिजाइन अवार्ड समेत प्राप्त गरेको छ ।

त्यस्तै, हाभल जोलियन म्याक्स ईभीमा आधुनिक एसयूभी डिजाइन, विद्युतीय ड्राइभ र विभिन्न स्मार्ट प्रविधि समावेश गरिएको छ । यो मोडल नाइमा नेपाल मोबिलिटी एक्सपो २०२६ मार्फत नेपाली बजारमा सार्वजनिक गरिएको थियो ।

‘गो विथ मोर’ अभियानमार्फत गाडी खरिदमा मात्रै नभई ग्राहकको समग्र स्वामित्व अनुभवमा थप मूल्य प्रदान गर्ने उद्देश्य रहेको जीडब्लूएम नेपालले जनाएको छ । कम्पनीले विद्युतीय सवारीप्रति नेपाली उपभोक्ताको बढ्दो आकर्षणलाई ध्यानमा राख्दै आफ्नो ईभी पोर्टफोलियोलाई विस्तार गर्दै आएको छ ।

जीडब्लूएमको नेपालका लागि आधिकारिक वितरकका रुपमा भीजी इम्पेक्स प्रालिले कार्य गर्दै आएको छ । कम्पनीका अनुसार यो अफर काठमाडौं, बुटवल, विराटनगर, चितवन, पोखरा, भक्तपुर र धनगढीस्थित आधिकारिक डिलरमार्फत उपलब्ध हुनेछ । ग्राहकले सम्बन्धित शोरुममा गएर अफर, एक्सचेन्ज तथा फाइनान्सिङ सुविधाबारे थप जानकारी लिन सक्नेछन् ।