आईपीओ जारी गर्ने तयारीमा पीएलओ, शेयरधनीलाई ८.४२ प्रतिशत लाभांश दिने

काठमाडौं–पूर्वाञ्चल ल्युब आयल (पीएलओ) ले सर्वसाधारणका लागि छिट्टै साधारण शेयर (आईपीओ) निष्कासन गर्ने निर्णय गरेको छ ।

शुक्रबार सम्पन्न कम्पनीको २७ औँ वार्षिक साधारणसभाले बुक बिल्डिङ विधिमार्फत आईपीओ जारी गर्ने प्रस्ताव पारित गरेको हो । यस प्रक्रिया अन्तर्गत कम्पनीले योग्य संस्थागत लगानीकर्ताका लागि ६ लाख कित्ता शेयर छुट्याएको छ ।

साथै, उक्त साधारणसभाले शेयरधनीहरूका लागि अघिल्लो आर्थिक वर्षको नाफाबाट हाल कायम चुक्ता पुँजीको ८.४२ प्रतिशत (करसहित) नगद लाभांश वितरण गर्ने प्रस्ताव समेत स्वीकृत गरेको छ ।

सभाले आगामी आर्थिक वर्षका लागि लेखापरीक्षकको नियुक्ति, वार्षिक बजेट पारित गर्नुका साथै सञ्चालकहरूको पारिश्रमिक र नयाँ सञ्चालक समिति चयनसम्बन्धी विभिन्न महत्वपूर्ण प्रस्तावहरू पारित गरेको छ ।