थप सुरक्षित बनेर आयो होन्डा सिटी र एलिभेट, अब सबै भेरिएन्टमा ६ वटा एयर व्याग

होन्डाले सिटी र एलिभेटमा सेफ्टि फिचर अपग्रेड गरेको छ । दुबै कारको सबै भेरिएन्टमा अब ६ वटा एयरब्याग अनिबार्य गरिएको छ भने ३–पोइन्ट इमर्जेन्सी लकिङ रिट्र्याक्टर सिटबेल्ट र सिटबेल्ट रिमाइन्डरहरू सबै सिटमा उपलब्ध हुनेछ ।

६ वटा एयरब्यागलाई यसअघि नै अनिबार्य गरिएको सिटी हाइब्रिडमा अब सबै यात्रुका लागि सिटबेल्ट रिमाइन्डर अनिबार्य गरिएको छ । साथै अर्को कम्प्याक्ट सेडान अमेजमा पनि सबै सिटमा सीट बेल्ट रिमाइन्डर अनिबार्य गरिएको छ ।

सुरक्षाका अतिरिक्त होन्डाले कारको क्याविनमा उपलब्ध फिचरमा पनि केही परिवर्तन गरेको छ । अब सिटीको एसभी भेरियन्टमा ४.२ इन्चको डिजिटल इन्स्ट्रुमेन्ट कन्सोल र भीएक्स भेरियन्टमा ८ स्पिकर साउन्ड सिस्टम र रियर सनशेड उपलब्ध हुने जनाइएको छ ।

एलिभेटका एसभी, भी र भएक्स भेरियन्टहरूले ड्राइभर र यात्रु दुवै पक्षमा ढक्कनसहितको सन भाइजर भ्यानिटी मिरर पाउँनेछन् भने एसभी र भी ट्रीममा ७ इन्चको सेमी–डिजिटल इन्स्ट्रुमेन्ट क्लस्टर उपलब्ध हुनेछ ।

होन्डा एलिभेट, अमेज र सिटी तीनवटै कार नेपाली बजारमा समेत उपलब्ध मोडल हुन् । होन्डाको नेपालका लागि आधिकारिक वितरक स्याकार ट्रेडिङ कम्पनीले निकट भविष्यमा अपग्रेड भएका यी नयाँ कारलाई समेत भित्र्याउने अनुमान गर्न सकिन्छ ।