२०७७ चैत ३० सोमबार,

टाटाका फरएभर रेन्ज : यस्ता छन् मूल्य र विशेषता

Post adv

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले हालै फरएभर रेन्ज अन्तर्गत ५ नयाँ गाडीहरु सार्वजनिक गरेको छ । कम्पनीले नेपाली बजारमा उपलब्ध गराएको बीएस६ प्रविधियुक्त गाडीहरु – टियागो, टिगोर, नेक्सन, अल्ट्रोज र एच फाइभ हुन् ।

यो संगै टाटा कंम्पनी उक्त इन्जिन प्रविधि भएको पाँच मोडलहरु एकैपटक सार्वजनिक गर्ने नेपालकै पहिलो कंम्पनी भएको छ । टाटाको इम्प्याक्ट २.० डिजाइन ल्याङ्ग्वेज अनुसार तयार पारिएकाले यी गाडी निकै नै सुन्दर समेत भएको कम्पनीको भनाइ छ ।

बदलिदो समयको माग अनुसार पुनः डिजाइन गरिएको टियागो, टिगोर, नेक्सन, अल्ट्रोज र एच फाइभ कार्य क्षमता, आरामदायी र सुरक्षाको दृष्टिकोणले पनि अरु भन्दा अग्रस्थानमा रहेको कम्पनीको भनाइ छ ।

१. नयाँ टियागो
१२ सय सीसी इन्जिन क्षमताको नयाँ टियागोको बनावट आकर्षक तथा स्पोर्टी रहेको छ । उन्नत खालको सस्पेन्सन प्रणाली र एन्ड्रोइड अटो जस्ता पछिल्ला इन्फोटेनमेन्ट सुविधाहरु भएको यो गाडी रातो, पहेलो, निलो लगायत ६ वटा रङहरुमा उपलब्ध छ । टाटा टियागो फोर स्टार सेफ्टी रेटिङ पनि प्राप्त गर्न सफल भएकोे छ ।

टियागो ह्याचब्याक विभिन्न ५ भेरिएन्टमा उपलब्ध छ र यसको मूल्य २८ लाख देखि ३७ लाख १५ हजार रुपैयाँ सम्म छ । 

२. नयाँ टिगोर
१२ सय सीसी इन्जिन क्षमताको नयाँ टिगोरमा डिजिटल इन्स्ट्रयुमेन्ट क्लस्टर र रिभर्स क्यामेरा जस्ता अत्याधुनिक सुविधाहरु रहेका छन् । मनमोहक बनावट सहित उत्कृष्ट सुरक्षाको बिशेषता भएको यो गाडी पाँचवटा रङहरुमा उपलब्ध छ । टाटा टिगोरले पनि फोर स्टार सेफ्टी रेटिङ प्राप्त गरेको छ ।

टिगोर सेडान विभिन्न ५ भेरिएन्टमा उपलब्ध छ र यसको मूल्य ३२ लाख ५० हजार देखि ३९ लाख ९५ हजार रुपैयाँ सम्म छ ।

३. नयाँ नेक्सन
१२ सय सीसी इन्ज्नि क्षमता भएको नयाँ नेक्सनमा आईआरए जस्ता समुच्च प्रविधि जडान गरिएको छ । यस प्रविधिले गर्दा यो गाडी नेपालको सडक सुहाँउदो भएको कुरा कम्पनीले जनाएको छ । टाटा नेक्सन ग्लोवल सेफ्टी रेटिङमा फाइभ स्टार प्राप्त गर्न सफल गाडी पनि हो ।

Advertise Eleven Advertise Ten Advertise Nine

इलेक्ट्रिक सनरुफ, इलेक्ट्रिक स्ट्याबिलिटी र कनेक्टेड कार टेक्नोलोजी लगायतका नयाँ बिशिष्ट विशेषताहरु भएको नेक्सन ६ वटा रङहरुमा उपलब्ध छ ।

टाटा नेक्सन एसयूभी विभिन्न ७ भेरिएन्टमा उपलब्ध भएको छ । यसको मूल्य ३९ लाख ९५ हजार देखि ५२ लाख ५५ हजार रुपैयाँ सम्म छ । 

४. नयाँ अल्ट्रोज
१२ सय सीसी इन्जिन क्षमता भएको टाटाको नयाँ अल्ट्रोजको सम्पूर्ण बनावट अल्फा वास्तुकलामा आधारित छ । नेक्सनमा जस्तै आईआरए प्रविधि भएको यो गाडी आफ्नो श्रेणीमा सबैभन्दा सुरक्षित भएको कुरा ग्लोवल एनक्याप मार्फत प्रमाणित भैसकेको छ । साथै हृयाचब्याक सेग्मेन्टमा ग्लोवल सेफ्टी रेटिङमा फाइभ स्टार प्राप्त गरेको छ ।

यो रिदम, स्टाइल, लुक्स र अर्वन गरि चारवटा प्रकृतिमा उपलब्ध रहेको छ । प्रिमियम ह्याचब्याक अल्ट्रोज एउटा भेरिएन्टमा मात्र उपलब्ध छ र यसको मूल्य ३५ लाख ५० हजार रुपैयाँ छ ।

५. नयाँ एच फाइभ
२ हजार सीसी इन्जिन क्षमता भएको एच फाइभको सम्पूर्ण बनावट बिशिष्ट ओमेगा आरसी वास्तुकलामा आधारित छ । शक्ति, सुविधा र कार्यकुशलताको दृष्टिकोणले यो गाडी अतुलनीय भएको कम्पनिले जनाएको छ ।

एच फाइभ बिभिन्न आकर्षक रङहरुमा उपलब्ध छ । टाटा एच५ विभिन्न ३ भेरिएन्टमा उपलब्ध छ र यसको मूल्य ८४ लाख ९९ हजार देखि ८९ लाख ९० हजार रुपैयाँ सम्म छ ।

Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...