फेमिली कारको रुपमा चर्चित छ यो कार, २३ वर्षदेखि लगातार शीर्ष स्थान बनाउन सफल

फेमिली कारको रूपमा अहिले सबैको ध्यान एमपीभीमा भएपनि कुनै समय मारुती सुजुकी अल्टो के१० ले फेमिली कारको रुपमा निकै लोकप्रियता कमाएको थियो ।

मारुती सुजुकी अल्टो के१० कारले लगातार सबैभन्दा बढी बिक्री हुने कारको सूचीमा आफ्नो स्थान बनाएको छ र अहिले नयाँ रेकर्ड पनि बनाएको छ । सन् २००० मा लन्च भएको सो कार हालसम्म ४५ लाख युनिट बिक्री भइसकेको छ ।

कारमा १.० लिटर पेट्रोल इन्जिन दिइएको छ । यो इन्जिनले ६५.७१ बीएचपी पावर जेनेरेट गर्छ । सो इन्जिन कारको सीएनजी भेरिएन्टमा पनि उपलब्ध छ । सीएनजीमा ६५.७१ बीएचपी पावर जेनेरेट गर्छ । सो कार ५ स्पिड म्यानुअल र अटोमेटिक गियर ट्रान्समिसनमा उपलब्ध छ ।

सो कार एलएक्सआई, भीएक्सआई, भीएक्सआई प्लस र ओ गरी ४ भेरिएन्टमा उपलब्ध छ । जबकि सीएनजी मोडेल फरक छ । कारमा ६ कलर अप्सन दिइएको छ ।

मारुती सुजुकी अल्टो के१० मा ७ इन्चको टचस्क्रिन इन्फोटेनमेन्ट सिस्टमका साथै किलेस इन्ट्री, डिजिटल इन्स्ट्रयुमेन्ट क्लस्टर, स्टेयरिङ माउन्टेड कन्ट्रोल जस्ता फिचर दिइएको छ । सेफ्टीका लागि कारमा २ एयरब्याग, रियर पार्किङ सेन्सर, एबीएस, ईबीडी जस्ता फिचर दिइएको छ ।

सो कारको प्रारम्भिक मूल्य नेपाली बजारमा २४ लाख ४९ हजार रुपैयाँ छ । यसको टप भेरिएन्टको मूल्य २६ लाख ९९ हजार रुपैयाँ छ । अन्य दुई भेरिएन्टको मूल्य क्रमशः २५ लाख ४९ हजार र २६ लाख ४९ हजार रुपैयाँ छ ।