हुन्डाईका करोड बढी मूल्यका एसयूभी, सबैभन्दा महंगो प्यालिसेडको मूल्य २ करोड २५ लाख ९६ हजार

हुन्डाई नेपाली बजारमा सर्बाधिक बिक्री हुने मध्येको एक ब्रान्ड हो । हुन्डाईका ह्याचब्याक, क्रसओभर र कम्प्याक्ट एसयूभी सर्बाधिक बिक्री हुने रेन्जमा पर्छन् । जसमध्ये हुन्डाई क्रेटाले बिगत लामो समयदेखि एसयूभी बजारमा नेतृत्व गरिरहेको छ ।

क्रेटा बाहेक हुन्डाइसँग टुसान, सन्टाफे र प्यालिसेड जस्ता महंगा एसयूभीसमेत उपलब्ध छन् । जसको मूल्य नेपाली बजारमा करोड भन्दा बढी रुपैयाँ पर्छ । करोड माथि क्लबमा टुसानको बजार समेत निकै राम्रो रहेको पाइन्छ ।

२ हजार सीसी क्षमताको यो एसयूभी भिन्न ४ भेरिएन्टमा उपलब्ध छ । जसमध्ये तीनवटा भेरिएन्ट पेट्रोल र एउटा भेरिएन्ट डिजेल इन्जिनमा समेत उपलब्ध छ । यसको पेट्रोल इन्जिनमा उपलब्ध जीएलएस म्यानुअल ट्रान्समिसनको मूल्य नेपाली बजारमा ८९ लाख ९६ हजार रुपैयाँ पर्छ ।
त्यसैगरी सोही इन्जिनको जीएलएस अटोमेटिकको १ करोड ७ लाख ९६ हजार र जीएलक्स भेरिएन्टको १ करोड १४ लाख ९६ हजार रुपैयाँ तोकिएको छ । यी तीनवटै एसयूभी टु ह्विल ड्राइभयुक्त हुन् । अर्को टुसान जीएलएक्स डिजेल इन्जिनको फोर ह्विल ड्राइभको मूल्य १ करोड ३४ लाख ९६ हजार रुपैयाँ निर्धारण गरिएको छ ।

टुसानपछि अर्को महंगो एसयूभी सन्टाफे ३ भेरिएन्टमा उपलब्ध छ । जसमध्ये २१५१ सीसी क्षमताको जीएल डिजेल भेरिएन्टको मूल्य १ करोड ६५ लाख ९६ हजार र अर्को २५ सय सीसी क्षमताको जीएलएस पेट्रोल भेरिएन्टको मूल्य १ करोड ६८ लाख ९६ हजार रुपैयाँ तोकिएको छ भने २१५१ सीसी क्षमताकै सन्टाफे जीएलएस डिजेल भेरिएन्टको मूल्य १ करोड ८८ लाख ९६ हजार रुपैयाँ पर्छ । सन्टाफेका सबै भेरिएन्ट अटोमेटिक ट्रान्समिसन र फोर ह्विल ड्राइभयुक्त प्रिमियम एसयूभी हुन् ।

हालसालै नेपाली बजारमा भित्रिएको सबैभन्दा महंगो मोडल प्यालिसेड २ भेरिएन्टमा उपलब्ध छ । यी दुबै एसयूभीमा २२०० सीसी क्षमताको डिजेल इन्जिन जडान गरिएको छ जुन अटोमेटिक ट्रान्समिसनसहित फोर ह्विल ड्राइभमा उपलब्ध छ । प्यालिसेड जीएल भेरिएन्टको मूल्य नेपाली बजारमा १ करोड ९४ लाख ९६ हजार र अर्को जीएलएस भेरिएन्टको मूल्य २ करोड २५ लाख ९६ हजार रुपैयाँ निर्धारण गरिएको छ ।

हुन्डाईका यी सबै एसयूभीलाई नेपालस्थित आधिकारिक बितरक लक्ष्मी इन्टरकन्टिनेन्टल प्रालिले सिधै कोरियाबाट आयात गरी कारोबार गर्दै आइरहेको छ ।