सन् २०२७ सम्ममा ईभीको मूल्य पेट्रोलियम कार भन्दा निकै सस्तो हुने तथ्य सार्वजनिक

केही वर्षमा ब्याट्रीबाट चल्ने सवारीसाधन पेट्रोल–डिजेलबाट चल्ने सवारी साधन भन्दा बढी हुने एक अध्ययनमा सार्वजनिक भएको छ ।

अमेरिकी अनुसन्धान फर्म गार्टनरले सन् २०२७ सम्ममा पेट्रोल–डिजेलबाट चल्ने सवारी साधनको तुलनामा नेक्स्ट जेनेरेसन ईभीको मूल्य कम हुने अनुमान गरेको छ । यो सेक्टरमा इनोभेशन तीव्र गतिमा बढिरहेको छ र नयाँ टेक्नोलोजीको आविष्कार पनि भइरहेको छ । साथै ब्याट्रीको मूल्य र ईभीको उत्पादन लागत तीव्र गतिमा घट्दै गएको बताइएको छ ।

हाल ईभी सवारी साधन चलाउनु निकै सस्तो छ । समान मोडलको इलेक्ट्रिक कारको मूल्य पेट्रोल कारको तुलनामा २०–३० प्रतिशत बढी छ । यो भिन्नता वर्षैपिच्छे घट्दै गएको छ । हाल पेट्रोल कारको लागत प्रति किलोमिटर करिव १० रुपैयाँ भन्दा बढी मूल्य छ भने इलेक्ट्रिक कारको लागत प्रतिकिलोमिटर २ रुपैयाँको हाराहारी मात्र मूल्य मात्रै छ ।

रिपोर्टका अनुसार विगत १० वर्षमा स्थापित ईभी कम्पनीहरू सन् २०२७ सम्ममा १५ प्रतिशतले अधिग्रहण हुनेछ । भविष्यमा उत्कृष्ट प्रोडक्ट र सेवाहरू भएका कम्पनीहरु मात्र टिकाउ हुनेछ । यहाँ सबै ईभी स्टार्टअप कम्पनीहरु टिक्ने छैनन् ।

यद्यपि सन् २०२५ सम्ममा विश्वव्यापी ईभीको बिक्री ४३ प्रतिशत बढेर २०.६ मिलियन पुग्नेछ । सन् २०२३ मा १.४४ करोड ईभी बिक्री भएको थियो । सन् २०२४ मा पनि ईभीको बिक्री १.८४ करोड पुग्ने अनुमान गरिएको छ ।