ईभी मर्मतका लागि ६ महिने ‘अन द जब ट्रेनिङ’ दिदै काठमाडौं महानगरपालिका, यसरी दिनुस् आवेदन

काठमाडौं – इलेक्ट्रिक सवारी साधन अर्थात ईभी मर्मतका लागि काठमाडौं महानगरपालिकाले ६ महिने ‘अन द जब ट्रेनिङ’ दिने भएको छ । यो भन्दा पहिले काठमाडौँ महानगरपालिकाले सञ्चालन गरेको विद्युतीय सवारी (ईभी) तथा अन्य सवारी साधन मर्मत सम्बन्धी प्रारम्भिक तालिम लिएकाहरू सो तालिममा सहभागी हुन पाउने छन् ।

एक सूचना प्रकाशित गर्दै महानगरको सामाजिक विकास विभागले अधिकतम १९ जनाका लागि सो तालिम खुलाएको हो ।

महानगरको प्रारम्भिक तालिम प्राप्त गरेका प्रशिक्षार्थीहरूलाई काठमाडौँ महानगरपालिका, चाँगुनारायण फाउन्डेसन र सम्बन्धित कम्पनी, औद्योगिक प्रतिष्ठानसँगको सहकार्यमा यस्तो तालिम दिइनेछ । इच्छुक प्रशिक्षार्थीहरूले यहाँ क्लिक गरी तोकिएको अनलाइन फाराम भरेर सात दिनभित्र आवेदन दिन सक्नेछन् ।

आगामी साउन २८ सम्म आवेदन दिनेहरु मध्येबाट छनौट भएका प्रशिक्षार्थीहरु तालिमका लागि छानिने छन् । तालिम मदौ १ देखि सुरु हुनेछ ।

थप जानकारीका लागि यो सूचना हेर्न सकिन्छ ।