भारतमा इलेक्ट्रिक भेइकलको तुलनामा हाईब्रिडको बिक्री निकै उच्च

भारतमा इलेक्ट्रिक भेइकलको तुलनामा हाईब्रिड भेइकलको बिक्री निकै उच्च देखिएको छ । चालु आर्थिक वर्षको दोस्रो क्वार्टरमा इलेक्ट्रिक भेइकलको बिक्री दोब्बरले बृद्धि हुँदा हाईब्रिडको ४०० प्रतिशतले बढेको हो । ईभीको बिक्री अघिल्लो वर्षको सोही अवधीको तुलनामा १२० प्रतिशतले बृद्धि भएको साइवर मिडिया रिसर्चले उल्लेख गरेको छ ।

ईभीको बिक्री बढ्नुमा एमजी कोमेट जस्ता साना र सस्ता मोडलको योगदान उल्लेख्य रहेको जनाइएको छ । रिसर्चमा उल्लेख गरेअनुसार टोयोटा, होन्डा र मारुती सुजुकीका हाइब्रिड भेइकलमा उपभोक्ताले अत्याधिक रुची देखाएका छन् ।

यसैगरी एड्भान्स ड्राइभिङ असिस्टेन्स(अडास) सिस्टमको प्रयोग ३५० प्रतिशतसम्मे बृद्धि भएको उल्लेख गरिएको छ । सो फिचर उपलब्ध कारको माग उच्च भएसंगै भारतमा अहिले अधिकांश उत्पादकले आफ्ना सबैजसो मोडलमा अडासलाई प्राथमिकता दिन थालेका छन् । साथै इन्टेलिजेन्ट र कनेक्टेड ककपिट भएका कारको मागमा उच्च बृद्धि देखिएको छ ।