१ हजार सीसी क्षमताका ३ ह्याचब्याक : सबैभन्दा सस्तो ड्याटसन रेडी गो र महंगोमा रेनो क्विड

सानो साइज र सस्तो मूल्यका कारण नेपालमा ह्याचब्याक कारको क्रेजमा खासै कमी आएको छैन । समन्यत १ हजार सिसी क्षमतासम्मका साना कारलाई इन्ट्रि लेभल ह्याचब्याकको श्रेणीमा राख्ने गरिएको छ । हाल बजारमा यो सेग्मेन्ट अन्तर्गत मारुती सुजकी, रेनो र ड्याटसनका कारहरु उपलब्ध छन् । यी तीनवटै कारमा ९ सय ९९ सीसी क्षमताको इन्जिन जडान गरिएको छ ।

समान क्षमताका इन्जिन जडान गरिएका कारण यी सबै कारले प्रदान गर्ने पावर र टर्क समेत एकै प्रकारको छ । यी तीनवटै कारले ६७ बिएचपी पावर र ९१ एनएम टर्क जेनेरेट गर्छन । पावर र टर्क समान भएपनि यी तीन कारको मूल्यमा भने ठूलै अन्तर रहेको देख्न सकिन्छ । मूल्यको यस्तो अन्तर ४ लाख रुपैयाँसम्म रहेको छ ।

यो सेग्मेन्टमा सबैभन्दा महंगो रेनो क्विड देखिएको छ । ३ भीन्न भेरियन्टमा उपलब्ध क्विड आरएक्सटी म्यानुअलको २६ लाख ७९ हजार, क्लाइम्बरको २७ लाख ८९ हजार र आरएक्सटी अटोमेटिकको २८ लाख ४९ हजार रुपैयाँ पर्छ ।

त्यसैगरी मारुती सुजुकी एसप्रेसो भिएक्सआईको मूल्य २६ लाख ५९ हजार रुपैयाँ कायम गरिएको छ । यो सेग्मेन्टमा सबैभन्दा सस्तो देखिएको ड्याटसन रेडीगो म्यानुअलको मूल्य २४ लाख ४९ हजार र अटोमेटिकको २५ लाख ९९ हजार रुपैयाँ तोकिएको छ । यी तीन कारमध्ये अहिले बजारमा सबैभन्दा बढी रेनो क्विडलाई रुचाइएको छ । एसयुभी प्रेरित लुक्स र यहि सेग्मेन्टका अन्य कारको तुलनामा बढी फिचर दिइएका कारण क्विडलाई बढीमात्रामा रुचाइएको हो ।