टेस्ला कार किन्दा बिटक्वाइनको प्रयोग नहुने मस्कको घोषणा

काठमाडौं – टेस्लाका संस्थापक एलन मस्कले बिटक्वाइन प्रयोग नगर्ने बताएका छन् । वातावरणीय दृष्टिकोढाले सो क्रिप्टोकरेन्सीको प्रयोग उपयुक्त नभएको बताउदै उनले बिटक्वाइन प्रयोग नहुने बताएका हुन् । यसको अर्थ अब टेस्लाका कार किन्दा यसको प्रयोग हुने छैन ।

बिटक्वाइन माइनिङको काम नवीकरणीय उर्जाबाट नभएसम्म कारोबारलाई बन्द गर्ने उनले बताएका छन् । उनले बिटक्वाइनसँग एक प्रतिशतभन्दा कम कारोबार गर्ने र नवीकरणीय उर्जा प्रयोग गर्ने क्रिप्टो मुद्रासँग मात्र कारोबार गर्ने बताएका हुन् ।

मस्कले गत मार्चमा मात्र टेस्लाका ग्राहकले बिटक्वाइन प्रयोग गरी विद्युतीय सवारी खरिद गर्नसक्ने बताएका थिए । मस्कको हालको निर्णय पश्चात भने बिटक्वाइनको मूल्य समेत घट्दो क्रममा रहेको छ ।