धमाधम ब्याट्रीको मूल्य घट्दा इलेक्ट्रिक टु ह्विलरको मूल्यमा पनि २५ प्रतिशतले कमी

भारतमा टु ह्विलरको मूल्य सस्तो भएको छ । धेरै इलेक्ट्रिक टु ह्विलर कम्पनीले आफ्नो फ्ल्यागशिप मोडलको मूल्य २० देखि २५ हजार घटाएको छ ।

इलेक्ट्रिक स्कुटर वा बाइकमा ४० प्रतिशत भन्दा बढीर्च ब्याट्रीमा हुने गरेको छ । इलेक्ट्रिक टु ह्विलरमा लिथियम आयन ब्याट्रीको उपयोग हुन्छ र यो महँगो हुन्छ, जसको कारण इलेक्ट्रिक टु ह्विलर महँगो हुन्छ । तर अब इलेक्ट्रिक टु ह्विलरमा लिथियम आयन ब्याट्रीको विकल्पका रूपमा अन्य ब्याट्री तीव्र गतिमा विकास भइरहेको छ । जसले लिथियम आयन ब्याट्रीको मूल्य घटाउनमा मदत गरेको छ ।

पछिल्लो ५–६ महिनामा भारत सहित अन्य देशमा लिथियम भण्डार पाइए पछि चिनियाँ ब्याट्रीको मूल्य घटेको छ । त्यसैले सम्पूर्ण ईभी टु ह्विलरको मूल्य १५ प्रतिशतले घटेको हो ।

साथै इलेक्ट्रिक टु ह्विलरको मूल्य घटाउनुको मुख्य कारण यसको बिक्री बढाउनु हो । पहिले नै स्थापित पेट्रोल टु ह्विलर निर्माताले पनि इलेक्ट्रिक टु ह्विलर निर्माणमा आक्रामक नीति अपनाएको छ । जसका कारण यस क्षेत्रमा प्रतिस्पर्धा बढ्दै गएको छ ।

पेट्रोलियम टु ह्विलर निर्माता कम्पनीले इलेक्ट्रिक क्षेत्रमा आफ्नो मोडल बढाइरहेको छ । हाल यसको सेयर ५ प्रतिशतको हाराहारीमा छ । लगभग २–३ वर्षमा यो अझ बढेर जानेछ । यसको मूल्य घटेर पेट्रोल टु ह्विलरको मूल्य बराबर हुने अनुमान गरिएको छ ।

बजारमा हाल ओला इलेक्ट्रिक एस१एक्स प्लस, एथर इनर्जी ४५०एस, ओकाया फास्टएफ४ र जेमोपाई राइडरको मूल्य घटेर आएको छ ।

ओला इलेक्ट्रिकको मूल्य १ लाख १० हजारबाट ५ हजार, एथर इनर्जी ४५०एसको मूल्य १ लाख ३५ हजारबाट १ लाख १० हजार, ओकाया फास्टएफ४ को मूल्य १ लाख ३ हजारबाट १ लाख २० हजार र जेमोपाई राइडरको मूल्य १ लाख ११ हजारबाट ९९ हजारमा झरेको छ ।