अब शिक्षक र विद्यार्थीलाई पनि १० हजारमा इलेक्ट्रिक स्कुटर

काठमाडौं – बज्र ग्रुप अन्तर्गत ईभी नेपाल मोटर्स प्रालिले लेभ्निङ ब्रान्डको स्कुटर कुनै पनि शिक्षक वा विद्यार्थीको लागि १० हजार रुपैयाँमै उपलब्ध गराउने भएको छ ।

‘तपाईको रोजाई कति छ ?’ भन्ने स्किम अन्तर्गत १० हजार रुपैयाँमा लेभ्निङ स्कुटर शिक्षक तथा विद्यार्थीले पाउने छन् ।

यसका साथै नविल बैंकको शून्य प्रतिशत ब्याजदरमा सो स्कुटर किन्न सकिने छ । त्यसैगरी नगदमा किन्ने शिक्षक तथा विद्यार्थीको लागि भने १० हजार छुट गरिएको कम्पनीले बताएको छ ।

शिक्षक तथा विद्यार्थीको खर्च वचत हुने, पेट्रोल हाल्न नपर्ने हुनाले कम्पनीले यो सहुलियत दरमा शिक्षक तथा विद्यार्थीको लागि १० हजार वा शून्य प्रतिशत स्किममा लेभ्निङ ब्रान्डको इलेक्ट्रिक स्कुटर प्रदान गर्ने योजना लागू गरेको बताएको छ ।

यो योजना प्रारम्भ भइसकेको र नजिकको लेभ्निङ इलेक्ट्रिक स्कुटरको शोरुममा सम्पर्क गर्न सकिने बताइएको छ ।

विद्यार्थीको लागि फाइनान्स, एक्सचेन्ज र क्यासको सुविधामा लिन सकिने र यो स्किम सीमित अवधिको लागि लागू गरिएको बताइएको छ ।

नेपाली बजारमा एलएक्स०१, एलएक्स०२, एलएक्स०४, एलएक्स०५, एलएक्स०५–डी, एलएक्स०६, एलएक्स०६ म्याक्स, एलएक्स०८, एलएस०१ र एम०४ मोडलका स्कुटर उपलब्ध छन् । यी स्कुटरको मूल्य १ लाख १० हजार देखि ५ लाख ५९ हजार रुपैयाँ सम्म छ ।