आउने भयो हृदयघातबाट बचाउने इलेक्ट्रिक कार, अर्को वर्ष लन्च हुने सम्भावना

विश्वभर तीव्र गतिमा बढ्दो सडक दुर्घटनाका कारण अहिले सुरक्षित कारको माग निकै बढेको छ । चालक र यात्रुलाई यात्रा गर्दा बढीभन्दा बढी सुरक्षित बनाउन सकोस् भन्नका लागि बढी सेफ्टी फिचर भएको कार बजारमा उपलब्ध हुन थालेका छन् ।

चीनको एक इलेक्ट्रिक भेइकल स्टार्टअप कम्पनीले चाँडै नै कारमा सवारी चालकलाई हृदयघात जस्ता गम्भीर घटनाबाट जोगाउने कार लन्च गर्न लागेको छ ।

उक्त कम्पनीका एक अधिकारीले सो कार अर्को वर्ष लन्च गर्न सक्ने जानकारी दिएका छन्, जसको डेलिभरी सन् २०२४ मा सुरु हुनेछ । यस कारको नाम जीटी ओपस १ हुनेछ, जसको मूल्य बीएमडब्ल्यु एजी र पोर्से एजीको ७ सिरिजका लक्जरी कारहरूसँग बराबर हुनेछ ।

कारमा सेन्सर र क्यामेरा जडान गरिने छ, जसले चालकको अत्यावश्यक संकेतहरू निगरानी गर्न सक्नेछ । यदि ड्राइभिङ गर्दा असामान्य लक्षणहरू पत्ता लागेमा, कारको आर्टिफिसियल इन्टेलिजेन्स असिस्टेन्सले चालकसँग कुरा गर्नेछ । यदि चालकले कुनै जवाफ नदिएमा अटोनोमस ड्राइभिङ सिस्टमले कारलाई सुरक्षित स्थानमा पु¥याउनेछ । यसपछि कारमा भच्र्युअल डाक्टरले स्मार्ट ककपिटको स्क्रिनबाट बिरामीको जाँच गर्नेछ ।