प्रतिघन्टा १५ किमीको स्पिडमा चन्द्रमामा इलेक्ट्रिक बाइक गुडाइने, आयो कन्सेप्ट

जर्मन अटो डिजाइन कम्पनी हुकीको निक फन हुकीले इलेक्ट्रिक बाइक डिजाइन गरेको छ जसलाई अन्तरिक्ष यात्री चन्द्रमामा ड्राइभ गरिने छ । टर्डिग्रेड नामको सो बाइक १५ किलोमिटर प्रतिघन्टाको गतिमा यात्रा गर्न सक्छ । करिब ५० वर्ष पहिले चन्द्रमामा मानव पाइला राखेपछि यो अर्को माइलस्टोन साबित हुने विश्वास गरिएको छ ।

टर्डिग्रेडमा लेजर–कट आल्मुनियम फ्रेमको प्रयोग र ड्युपोन्टद्वारा प्रदान गरिएको केवलर कभर प्रयोग गरिएको छ । जसले ड्राइभट्रेनलाई पृथ्वीको वायुमण्डल बाहिरको विकिरणबाट जोगाउछ ।

ड्राइभट्रेन स्वीडिश इलेक्ट्रिक मोटरसाइकल निर्माता केकद्वारा प्रदान गरिएको थियो । कम्पनीले धेरैजसो इलेक्ट्रिक बाइकहरुमा १० केडब्ल्यु मोटरको उपयोग गर्छ । यो चन्द्र रोभरको चार १९० वाट क्षमताको मोटरको तुलनामा पावरमा ठूलो अपग्रेड हुनेछ । यसको कुल पावर ०.७६ केडब्ल्यु पावर रहेको छ ।

ड्राइभट्रेन यो भन्दा पनि सरल थियो । ठूलो एयरलेस बेलुन टायर डिजाइन गर्नका लागि धेरै क्रिएटिभिटीको आवश्यकता पर्छ । बाइकको रिम्समा सुरक्षित १२ पोलीयुरेथेन ट्रेड मोड्युलको प्रयोग गरिएको थ्रीडी प्रिन्टेड छ । चन्द्रमाको सतहमा मोड्युल बिग्रिएमा र प्रतिस्थापन आवश्यक परेमा एयरलेस टायरहरू सजिलै मर्मत गर्न सकिने गरी डिजाइन गरिएको छ । इलेक्ट्रिक मुन मोटरसाइकलमा नासाले सन् १९६० देखि निरन्तर काम गरिरहेको थियो ।

यद्यपि हुकीको यो इलेक्ट्रिक बाइक कन्सेप्ट मात्र हो अहिले । आगामी दिनमा नासालगायतका अन्तरिक्ष एजेन्सीसँग सहकार्यका लागि योजना बन्ने अनुमान भने लगाउन सकिन्छ ।