पार्किङ गर्दा ९० प्रतिशतले राख्छन् बाइकलाई साइड स्ट्यान्डमा, तर धेरैलाई थाहा छैन यी असर

बाइक बढी मत्रामा प्रयोग हुने सवारी साधन हो । बाइकबाट कुनै पनि गन्तव्यमा पुग्न सजिलो र सस्तो हुन्छ । तर बाइक पार्किङ गर्दा धेरैले जानी नजानी साना गल्ती गरेर बाइकलाई हानी पु-याइरहेका हुन्छन् ।

९० प्रतिशत बाइक चालकले हतारमा वा अल्छीले बाइक पार्किङ गर्दा साइड स्ट्यान्डमा छाडेको हुन्छ । बाइकलाई केही समयको लागि साइड स्ट्यान्डमा पार्किङ गर्दा कुनै समस्या नभए तापनि धेरै घण्टाको लागि पार्किङ गर्दा भने केही हानिकारक हुन सक्छ । साइड स्ट्यान्डमा बाइक पार्किङ गर्दा के बेफाइदा हुन्छ यसको बारेमा केही चर्चा गरौं ।

माइलेज
बाइक साइड स्ट्यान्डमा पार्क गर्दा २ इन्जेक्टरमा फ्युलको दबाब परेको हुन्छ । साइड स्ट्यान्ड पार्किङ गर्दा केही समय पछि सानो मात्रामा फ्युल इन्जिनमा जान सुरु हुन्छ । यो समस्या विशेषगरी इन्जिन इमोबिलाइजर नभएका बाइकमा हुने गर्छ । यस अवस्थामा फ्युल निरन्तर बर्बाद हुन्छ र बाइकको माइलेज कम हुन्छ ।

लड्ने डर
बाइक साइड स्ट्यान्डमा पार्क गरेमा लड्ने डर हुन्छ । थोरै झट्काले बाइक लड्ने र विभिन्न भागमा क्षति पु¥याउन सक्छ ।

अन्डरबडीमा क्षति
साइड स्ट्यान्ड बाइकको च्यासिससँग जोडिएको हुन्छ । बाइकलाई लगातार साइड स्ट्यान्डमा राख्नाले लोडका कारण केही समयपछि च्यासिस कमजोर हुन्छ । लामो समय पछि यसले बाइकको सन्तुलनलाई फरक पार्न सक्छ ।

अधिक ठाउँ ओगटेने
बाइकलाई साइड स्ट्यान्डमा पार्क गर्दा झुकेर खडा हुने हुनाले यसले पार्किङ स्थलमा धेरै ठाउँ ओगटेको हुन्छ । सेन्ट्रल स्ट्यान्डमा पार्क गर्दा कम ठाउँ ओगट्ने र अरुले पनि पार्किङ गर्ने ठाउँ हुन्छ ।