के हो ई१० र ई२० ? सवारी साधनका लागि किन फाइदाजनक छ ?

ई१० र ई२० इथानोलको मिश्रित इन्धन हो । जसलाई परम्परागत पेट्रोल र इथानोलको मिश्रण भनेर पनि बुझ्न सकिन्छ । मकै, उखु, वा अन्य बोटबिरुवा सामग्रीहरू जस्ता नवीकरणीय स्रोतहरूबाट बनेको ई१० र २० ले मिश्रणमा इथानोलको प्रतिशतलाई बुझाउँछ । 

ई१० मा १० प्रतिशत इथानोल र ९० प्रतिशत पेट्रोल हुन्छ । यो धेरै देशहरूमा सामान्यतया उपलब्ध छ । अहिलेको अवस्थासम्ममा ई१० प्रयोग व्यापक रूपमा भएको छ । 

ई१० कार, ट्रक र मोटरसाइकल सहित अधिकांश आधुनिक पेट्रोल इन्जिनहरूमा प्रयोग गर्नुका साथै यसले इन्जिनलाई सुरक्षित बनाउन पनि मद्दत गर्छ । मिश्रणमा रहेको इथानोलले उत्सर्जन घटाउन मद्दत गर्छ र शुद्ध पेट्रोलको तुलनामा यसलाई वातावरणमैत्री मानिन्छ । 

यस्तै, ई२० इन्धनमा २० प्रतिशत इथानोल र ८० प्रतिशत पेट्रोलको मिश्रण हुन्छ ।  ई१० जस्तै, ई२० ले उत्सर्जन कम गर्न मद्दत गर्न सक्छ । तर, यो ई१० को तुलनामा पर्याप्त उत्पादन हुन सकेको छैन । 

ई१० ले स्वीकृत पाएसँगै धेरैजसो आधुनिक सवारी साधनहरूमा यसको प्रयोग भएको छ । तर, ई२० को विषयलाई अध्ययनको चरणमा रहेको देखिन्छ । यसको प्रयोग गर्ने विषयमा छलफल भइराख्दा सोही अनुसारको सवारीहरू तयार गर्ने कार्यहरू पनि चलिरहेका छन् । 

अहिले नै धेरै देशमा ई२० मान्यता पाइसक्दा ग्यास स्टेसनहरूमा ई१० बढी उपलब्ध छ । यसलाई नियमित पेट्रोल जस्तै प्रयोग गर्न सकिन्छ । इथानोल एक नवीकरणीय इन्धन हो । यसैले यसले शुद्ध पेट्रोलको तुलनामा हरितगृह ग्यास उत्सर्जन कम गर्छ । इथानोल स्वादमा पनि उत्पादन गर्न सकिने भएकाले यसले आयातित प्रेट्रोलियम पदार्थको निर्भरता कम गर्न सक्ने बताइन्छ । 

ई१० र ई२० प्रयोग गर्दा प्रेट्रोलियम पदार्थबाट बाहिरिने रकम पनि कम हुनेछ । नेपाल लगायतका देशमा पुराना इन्जिनका सावारी हुँदा यसको प्रयोग तत्काल सम्भव देखिँदैन । 

पुराना सवारीमा इथानोल मिश्रणहरू प्रयोग गर्न सक्षम नहुने भएकाले ई२० लाई अपनाउनकाे लागि धेरै देशहरूलाई गाह्रो भइरहेको छ । पुरानो उपकरणहरूमा ई१० वा ई२० प्रयोग गर्दा सवारीमा समस्या पनि देखा पर्न सक्छन् । स्वदेशमै भएको स्रोतबाट यसको उत्पादन गर्न सकिने भएकाले यसको सम्भाव्यताको अध्ययन धेरै देशहरूले गरिरहेका छन् ।