यी विशेषताले वन्न सक्छ अल्टो के१० इन्ट्रि लेवल ह्याचव्याकमा नेपालकै उत्कृष्ट कार

लामो प्रतीक्षापछि मारुती सुजुकीले अन्ततः भारतीय बजारमा अल्टो के१० लन्च गरेको छ । भारतमा यो कारको शुरुवाती मूल्य ३ लाख ९९ हजार निर्धारण गरिएको छ । मारुतीले यो इन्ट्रि लेभल ह्याचव्याकमा नयाँ डिजाइन, परिस्कृत फिचर र के सिरिजको शक्तिशाली डुअलजेट पेट्रोल इन्जिन दिएको छ ।

अल्टो के१० यसअघि पनि नेपाली बजारमा आएर सफल भैसकेको ह्याचव्याक कार हो । भारतमा बिएस६ मापदण्डलाई अनिबार्य गरिएपछि विचको केही वर्ष उत्पादन हुन नसकेको यो कारलाई मारुती सुजुकीले विल्कुलै नयाँ डिजाइन र सुविधासम्म फिचर्स थप गरेर बिएस६ इन्जिनमा उतारेपछि यो कारवारे सकरात्मक टिप्पणीहरु आइरहेका छन् ।

नेपाली बजारमा समेत भित्रिने प्रतिक्षामा रहेको यो कार हाल कायम आयतमाथीको प्रतिवन्ध हटेपछि आउने आँकलन गरिएको छ । इन्ट्रि लेवल ह्याचव्याकमा निकै राम्रो बजार हिस्सा ओगट्न सफल मारुती सुजुकीको यो सेग्मेन्टमा हाल अल्टो ८०० को एलएक्सआई मोडल उपलब्ध रहँदै आएको छ । नेपालको ट्याक्सी बजारमा एकाधिकार जस्तै बजार लिएको यो कारलाई ग्राहकले निजी कारका रुपमा भने प्रयोग गर्न हिच्किचाइरहेका छन् । जसका कारण पनि यो नयाँ कार यस्ता ग्राहकमाझ उत्तम विकल्प वन्न सक्ने देखिन्छ ।

प्रतिस्पर्धी मूल्य, सर्वसुलभ स्पेयर पार्ट्स एवं विक्रिपछिको सेवा र वलियो तथा मजवुत इन्जिनका कारण नेपाली बजारमा सुजुकीका कार लोकप्रिय मानिन्छन् । यस्तोमा २२ लाख रुपैयाँ हाराहारी मूल्यमा नेपाल आउन सक्ने आँकलन गरिएको यो नयाँ कारले इन्ट्रि लेवल ह्याचव्याक चाहने ग्राहकलाई सजिलै आकर्षित गर्ने अनुमान लगाइएको छ ।

यो नयाँ कारको सवैभन्दा आकर्षक पक्ष भनेको यसको नयाँ सेलेरियोबाट प्रेरित लुक्स तथा डिजाइन नै हो । यसबाहेक यसमा नयाँ डिजाइनको हेडलाइट र टेललाइट दिइएको छ । ३५३० एमएम लम्वाई, १४९० एमएम चौडाई, १५२० एमएम उचाई र २३८० एमएम ह्विलवेश भएको यो कार हालको अल्टो ८०० भन्दा केही ठूलो देखिन्छ । यो ह्याचव्याक कारमा १.० लिटर, के१० ड्युअलजेट पेट्रोल इन्जिन जडान गरिएको छ, जसले ६७ बीएचपी पावर र ८९ एनएम टर्क जेनेरेट गर्छ । यसमा ५ स्पिड म्यानुअल र ५ स्पिड एएमटी गियरबक्सको अप्सन दिइएको छ ।

अल्टो के१० मा ७ इन्चको स्माट प्ले स्टुडियो टचस्क्रिन इन्फोटेनमेन्ट सिस्टम, डिजिटल स्पिडोमिटर डिस्प्ले, इन्स्ट्रयुमेन्ट प्यानलमा फ्रन्ट पावर विन्डो स्विच, रिमोट किलेस इन्ट्री र स्टेयरिङ माउन्टेड अडियो तथा भ्वाइस कन्ट्रोल जस्ता आधुनिक फिचर उपलब्ध छ । साथै एप्पल कारप्ले, एन्ड्रोइड अटो र स्मार्टफोन नेभिगेसनका साथ अन्य स्मार्टप्ले स्टुडियो एपको साथमा स्मार्टफोन कनेक्टिभिटी समेत समावेश छ ।

सुरक्षाका लागि यसमा अगाडी २ वटा एयरब्याग, ईबीडीको साथमा एन्टी–लक ब्रेकिङ सिस्टम, प्रि–टेन्सन र फोर्स लिमिटर, फ्रन्ट सिट बेल्ट, रिभर्स पार्किङ सेन्सर उपलब्ध छ । साथै स्पिड सेन्सिङ अटो डोर लक र हाई स्पिड अलर्ट सिस्टम जस्ता फिचर दिइएको छ ।