डकहम्स आयल र नेपाल – एक ऐतिहासिक सम्बन्ध

काठमाडौं – विश्वप्रसिद्ध र प्रतिष्ठित लुब्रिकेन्ट ब्रान्ड ‘डकहम्स’ नेपाली बजारमा पुनः लन्च हुने तयारीमा छ ।

आइकनिक ब्रिटिश लुब्रिकेन्ट ब्रान्ड डकहम्स सन् १८९९ मा रसायनविज्ञ अलेक्जेन्डर डकहम्सद्वारा स्थापित भएको थियो । डकहम्सले आफ्नो एक शताब्दी भन्दा लामो इतिहासमा उड्डयन क्षेत्रमा अग्रगामी इन्जिनियरिङ विकासहरू, भू–गतिको रेकर्ड तोड्ने र प्रतिष्ठित मोटरस्पोर्ट लिगेसीको गर्र्व गर्दछ ।

नेपालको अग्रणी ट्रेडिङ हाउस ओटेक ट्रेड प्रालिले सो प्रिमियम लुब्रिकेन्ट ब्राण्ड नेपालमा ल्याउने तयारी गरेको छ । ओटेक ट्रेड प्रालिका कार्यकारी निर्देशक विन्यास न्यौपाने भन्छन्, ‘नेपालमा सवारी साधनको माग बढ्दै गैरहेको छ र सवारी साधनलाई टप कन्डिसनमा राख्नुका साथै बेस्ट कस्टमर स्याटिस्फ्याक्सन डेलिभर गर्ने उच्च गुणस्तरीय लुब्रिकेन्टको माग पनि बढ्दो छ ।
ग्राहकको यही मागलाई ध्यानमा राखी हामीले डकहम्स लुब्रिकेन्ट नेपालमा भित्र्याएका छौ ।’ डकहम्स १२३ बर्ष पुरानो ब्रिटिस लुब्रिकेन्ट ब्राण्ड हो जुन लुब्रिकेन्ट क्षेत्रमा थुप्रै प्राविधिक विकास – टेक्निकल एड्भान्समेन्ट र इनोभेसनको लागि परिचित छ ।

नेपाली बजारमा डकहम्स मेकानिक र सवारी साधन प्रेमीहरूद्वारा राम्रोसँग चिनिने ब्रान्ड हो । बढ्दो बजार र विश्वस्तरीय लुब्रिकेन्ट ब्रान्डको ग्राहकको मागले नेपाललाई डकहम्स लुब्रिकेन्ट इन्टरनेसनलले प्राथमिक बजारको रुपमा समावेश गरेको बताएको छ ।

नयाँ आधुनिक लुकसहितको आइकनिक डकहम्स ब्रान्डले आक्रामक नीतिका साथ प्रवेश र उत्कृष्टता प्रदान गर्ने वाचाका साथ नेपाली बजारमा प्रवेश गर्ने तयारी गरेको बताएको छ ।