अब २४ घण्टामै ड्राइभिङ लाइसेन्स

काठमाडौँ – अब नयाँ सवारी चालक अनुमतिपत्र (ड्राइभिङ लाइसेन्स) २४ घण्टामै उपलब्ध हुने भएको छ । सञ्चार तथा सूचना प्रविधिमन्त्री विक्रम तिमिल्सिनाले नयाँ सेवाग्राहीलाई २४ घण्टामै सवारी चालक अनुमतिपत्र (ड्राइभिङ लाइसेन्स) उपलब्ध गराउने दाबी गरेका छन् ।

सञ्चार तथा सूचना प्रविधिमन्त्रालयको सामाजिक सञ्जाल पेजमार्फत मन्त्री तिमिल्सिनाको यस्तो भनाइ सार्वजनिक भएको हो ।

मन्त्री तिमिल्सिनाका अनुसार नयाँ सवारी चालक अनुमतिपत्र आवेदनको हकमा सुरक्षण मुद्रण केन्द्रले यातायात व्यवस्था विभागबाट डाटा प्राप्त भएको २४ घण्टाभित्रै छपाई गरी उपलब्ध गराउनेछ । साथै हाल छपाई गर्न बाँकी रहेका करिब २९ लाख अनुमतिपत्र २०८३ सालको असार मसान्तसम्म छपाई गरी विभागलाई उपलब्ध गराइने समेत उनले बताएका छन् ।

हाल लामो समय देखि सवारी चालक अनुमतिपत्र प्राप्त हुन नसकेका कारण धेरै सेवाग्राहीहरु मर्कामा परेका छन् ।