अब लाइसेन्स दस्तुर दोब्बर

काठमाडौं - गण्डकी प्रदेश सरकारले सवारी चालक अनुमति पत्र (लाइसेन्स) को शुल्कमा शतप्रतिशत अर्थात पहिले भन्दा दोब्बर शुल्क वृद्धि गरेको छ ।

यातायात व्यवस्था कार्यालयले लिने अनुमतिपत्र र नवीकरणको सन्दर्भमा दुई पांग्रे र चार पांग्रे सवारी साधनको शुल्क हालको भन्दा दोब्बर बुझाउनु पर्नेछ ।

मोटरसाइकल तथा स्कुटरमा यसअघि नवीकरण वा अनुमति पत्र दस्तुर एक हजार ५०० रुपैयाँ रहेकोमा अब तीन हजार तिर्नुपर्ने छ । यसको आवेदन शुल्क पनि ५०० बाट बढाएर एक हजार बनाइएको छ । वर्ग थप दस्तुर पनि ५०० बाट एक हजार पु¥याइएको हो ।

कार, जिप र भ्यानमा अब ४ हजार रुपैयाँ दस्तुर तिर्नुपर्ने छ । यसअघि लाइसेन्स वा नवीकरण दस्तुरमा यसको आधा मात्र थियो । आवेदन शुल्क पनि दोब्बर बनाएर एक हजार पु¥याइएको छ ।

बस, ट्रक, डोजर र क्रेनको चालक अनुमतिपत्र तथा नवीकरण शुल्क अब ६ हजार रुपैयाँ तिनुपर्ने छ । यसअघि ३ हजार रुपैयाँमात्र थियो । लाइसेन्स प्रतिलिपि शुल्क पनि अब एक हजार रुपैयाँ तिर्नुपर्ने भएको छ ।

अब लाइसेन्सको नवीकरण पनि १० वर्षमा हुने भएकाले शुल्क दोब्बर बनाइएको बताइएको छ ।