ट्राफिक कारवाहीमा परेमा अब यसरी थाहा पाउन सकिने छ आफ्नो ब्लुबुक र लाइसेन्सको स्थिति

काठमाडौं – ट्राफिक कारवाहीमा परी तपाईको ब्लुबुक वा लाइसेन्स ट्राफिक प्रहरीले लिएमा उक्त कागजात कहाँ र कुन कार्यालयमा पुगेको छ भनेर थाहा पाउन सकिने भएको छ । महानगरीय ट्राफिक प्रहरी कार्यालयले यसका लागि डकुमेन्ट ट्रयाकिङ प्रणाली (डीटीएस) को विकास गरेको छ ।

हाल काठमाडौं, ललितपुर र भक्तपुर जिल्लामा ट्राफिक कारवाहीमा यसरी खिचिएका कागजात कुन कार्यालयमा छ भनेर थाहा पाउन सकिने छ । यसका लािग मोबाइलको म्यासेज बक्समा गएर ‘echalan’ टाइप गरी एक स्पेस छोडेर आर्थिक वर्ष र चिट नम्बर उल्लेख गरी ३४००१ मा पठाउन सकिन्छ ।

केही समयपछि आफ्नो कागजपत्र कुन ट्राफिक प्रहरी कार्यालयमा छ भन्ने कुराको जानकारी एसएमएस मार्फत नै प्राप्त हुनेछ । महानगरीय ट्राफिक प्रहरी महाशाखाका अनुसार चिट काटिएको केही समयपछि मात्र डीटीएस सक्रिय हुनेछ ।

यो प्रणालीको प्रयोग गरी अब सम्बन्धित व्यक्तिले आफ्नो कागजात कुन कार्यालयमा छ भन्ने कुरा थाहा पाउन सकिने छ ।