यस्ता ५ विशेषता छन् होन्डा डियोको प्रतिस्पर्धी बन्ने अनुमान गरिएको नयाँ स्कुटर हिरो जुममा

हिरो मोटोकर्पले भारतमा जुम ११० स्कुटर एलएक्स, भीएक्स र जेडएक्स गरी ३ भेरिएन्टमा लन्च गरेको छ । सो स्कुटर हिरो मेस्ट्रोको तुलनामा नयाँ डिजाइन र फिचरको साथमा लन्च गरिएको हो । सो स्कुटर प्रिमियम लुकमा उपलब्ध छ ।

हिरो जुम स्कुटरमा ११०.९ सीसीको सिंगल सिलिन्डर एयर कुल्ड एफआई इन्जिन जडान गरिएको छ । सो इन्जिनले ८.०४ बीएचपीको पावर र ८.७ एनएमको टर्क जेनेरेट गर्छ ।

हिरो जुम ११० स्कुटरले होन्डा डियो, टीभीएस जुपिटर र होन्डा एक्टिभा स्मार्ट जस्ता लोकप्रिय स्कुटरसँग प्रतिस्पर्धा गर्नेछ । जुम स्कुटर शार्प र स्कल्प्टेड डिजाइनमा समेटिएको छ । सो स्कुटर अल एलईडी हेडल्याम्प र एक्स–शेपको एलईडी डे–टाइम रनिंग लाइटको साथमा उपलब्ध हुनेछ ।

नयाँ हिरो जुममा ब्लुटुथ कनेक्टिभिटीको साथमा डिजिटल इन्स्ट्रयुमेन्ट क्लस्टर, १२ इन्चको अलोय ह्विल जस्ता फिचर समावेश गरिएको छ । यसमा ब्लुटुथको उपयोग गरेर डिजिटल डिस्प्लेलाई स्मार्टफोनसँग जोड्न सकिन्छ ।

स्कुटरको टप भेरिएन्ट जेडएसमा कर्नरिङ बेन्डिङ लाइट दिइएको छ । स्कुटरको फ्रन्टमा एप्रन एंगुलर र ह्यान्डलबारमा काउलिंगमा इन्डिकेटर दिइएको छ ।

स्कुटरको टेललाइटलाई पनि एक्स प्याटर्नमा राखिएको छ । ब्रेकिङको लागि टप भेरिएन्टमा डिस्क ब्रेक दिइएको छ । सो स्कुटरको बुकिङ खुल्ला गरिएको छ ।