२०१० मारुती ग्रान्ड भिटारा र २०२२ मारुती ग्रान्ड भिटारा बीच यस्तो छ भिन्नता

मारुती सुजुकीले आफ्नो नयाँ एसयूभी मारुती सुजुकी ग्राण्ड भिटारा लन्च गर्ने तयारी गरिरहेको छ । मारुती सुजुकीले आफ्नो ग्रान्ड भिटारा मोनिकरलाई पुनरुत्थान गर्दैछ । नयाँ २०२२ को ग्रान्ड भिटारा र पुरानो २०१० को ग्रान्ड भिटारामा कति भिन्नता छ त ?

यी दुई एसयूभीको साइजमा ठूलो भिन्नता हुने भएको छ । २०१० को ग्राण्ड भिटाराको लम्बाई ४५०० एमएम, चौडाइ १८१० एमएम, उचाई १६९५ एमएम र ह्विलबेस २६४० एमएम दिइएको थियो भने नयाँ २०२२ ग्रान्ड भिटाराको लम्बाई ४३६५ एमएम, चौडाइ १७९५ एमएम, उचाई १६३५ एमएम र ह्विलबेस २६०० एमएम हुन सक्ने अपेक्षा गरिएको छ ।

मारुती सुजुकीले नयाँ ग्राण्ड भिटारामा सेगमेन्ट–एक्सक्लुसिभ अल–ह्विल ड्राइभ फिचरको साथ लन्च गर्न गइरहेको छ भने पुरानो ग्रान्ड भिटारा अफ–रोड एसयूभी थियो । सो एसयूभी ४ह४ ड्राइभट्रेन र लक गर्न मिल्ने सेन्ट्रल डिफ्रेन्सियलको साथमा बिक्री गरिन्थ्यो ।

पुरानो मोडलमा सामान्य ड्राइभिङ, माइल्ड अफ–रोडिङ, एक्सट्रीम अफ–रोडिङ र न्यूट्रल गरी ४ वटा ड्राइभ मोडहरू थिए । २०२२ ग्रान्ड भिटाराको एडब्ल्युडी सिस्टम अफ–रोडिङका लागि त्यति सक्षम हुने छैन ।

पुरानो मोडलमा २.४ लिटर पेट्रोल भेरिएबल भल्व टाइमिङ इन्जिन थियो । सो इन्जिनले अधिकतम १६६ बीएचपीको पावर र २२५ एनएमको टर्क जेनेरेट गथ्र्यो । यसमा ५ स्पिड म्यानुअल वा ४ स्पिड अटोमेटिक ट्रान्समिसनको विकल्प थियो ।

२०२२ ग्रान्ड भिटारामा ११६ बीएचपीको पावर र १४१ एनएम टर्कको संयुक्त आउटपुट भएको फ्रन्ट–ह्विल ड्राइभ पेट्रोल हाइब्रिड पावरट्रेन जडान गरिनेछ । यसमा एडब्ल्युडी भर्सनको लागि १.५ लिटर पेट्रोल इन्जिन जडान गरिनेछ, जसले १०२ बीएचपीको पावर र १३५ एनएमको टर्क जेनेरेछ गर्छ ।

पुरानो मारुती सुजुकी ग्रान्ड भिटारा हार्डकोर एसयूभी थियो । सो एसयूभी अफ–रोडको लागि सक्षम र कठिन भू–भागमा चलाउन सजिलो थियो । नयाँ २०२२ ग्रान्ड भिटारा अधिक शहरी केन्द्रित छ र मोनोकक च्यासिसमा निर्मित छ ।

पुरानो ग्रान्ड भिटारा एसयूभीको पछाडि स्पेयर ह्विलसहितको अफ–रोडरको टेलगेट डिजाइन थियो । नयाँ २०२२ मारुती ग्रान्ड भिटारामा परम्परागत बुटको लिड हुनेछ ।