इटहरीमा दिपलको विशेष टेस्ट ड्राइभ र एक्सचेन्ज, अत्याधुनिक ईभी र मानव रोबोट अनुभव गर्न पाइने

इटहरी – नेपालको नं १ लक्जरी ईभी ब्रान्ड दावी गरिएको कम्पनी दिपलले कोशी प्रदेशको महत्वपूर्ण सहर इटहरीमा अत्याधुनिक सोरुमको उद्घाटनको अवसरमा शुक्रबारबाट चार दिनका लागि विशेष टेस्ट ड्राइभ र एक्सचेन्जको आयोजना गर्ने भएको छ ।

नेपालका लागि दिपलको आधिकारिक वितरक एमएडब्लु वृद्धिले आफ्नो इटहरी डिलर सर्ब मोटर्ससँग मिलेर इटहरीमा शुक्रबार उद्घाटन हुने दिपलको नयाँ सोरुममा ग्राहकले भाद्र २० देखि २३ गतेसम्म दिपलका अत्याधुनिक ईभी लाइनअपको टेस्ट ड्राइभ र दिपलका मानव रोबोटको अनुभव गर्न पाउने छन् ।

विशेष टेस्ट ड्राइभ र एक्सचेन्ज कार्यक्रममा नेपालकै सबैभन्दा सुन्दर र विशेष कनेक्टिभिटी भएको दिपल एस०७ आईसीए, स्टाइलिस सेडान एल०७, संसारकै पहिलो ट्रान्सफर्मर एसयूभी दिपल ई०७ र अल्ट्रा प्रिमियम लक्जरी एसयूभी अवतार ११ का साथै नेपालमा केही साताअघि सार्वजनिक भएर अटोबजार तताई रहेको दिपल एस०५ को पनि टेस्ट ड्राइभ गर्न सक्ने छन् ।

भर्खरै सम्पन्न नाडा अटो शो स्टपरका रुपमा चर्चित दिपल एस०५ लक्जरी, स्टाइल र टेक फिचरका कारण केही सातामै नेपाली अटोबजारमा सफल सावित भएको कम्पनीको भनाइ छ ।

यो एक्सचेन्जमा ग्राहकले चार वटा रिकन्डिसन हाउसबाट आफ्नो पुरानो गाडीको सर्वोत्कृष्ट मूल्यांकन पाउनुका साथै केही निश्चित दिपल मोडलमा नगद छुट, निःशुल्क रोड ट्याक्स र इन्स्योरेन्सका साथै निशुल्क ट्राभल चार्जर पनि पाउने छन् ।

सो कार्यक्रममा दिपलका अत्याधुनिक ह्युमनोइड रोबोट र रोबोट डग पनि प्रदर्शनीमा राखिनेछ, जसले आर्टिफिसियल इन्टेलिजेन्स र अटोमेसनमा चांगानको अग्रगामी सोचको प्रत्यक्ष अनुभव गर्न पाइने छ ।