दायुन ईभीका वारेमा चिनियाँ कम्पनीको स्पष्टिकरण, नेपाली बजारलाई थप सहयोगको प्रतिबद्धता (चिठीसहित)

चिनियाँ इलेक्ट्रिक कार निर्माता कम्पनी दायुनका वारेमा केही समय पहिले चिनियाँ मिडियाहरुमा आएका नकारात्मक आरोप र समाचारहरु पूर्ण सत्य नरहेको भन्दै कम्पनीले जानकारी सार्वजनिक गरेको छ ।

चिनियाँ सरकारको बलियो समर्थन र लगानीका साथ पुनःसंरचनासँगै कम्पनीले जनवरी २०२५ मा उत्पादन पुनः सुरु गने योजना बनाएको बताएको छ ।

कम्पनीले आफ्ना ग्राहकलाई दायुन युइहु उत्पादन, सर्भिस र पार्ट्स सामग्रीहरू उपलब्ध गराउने प्रतिबद्धता जनाएको छ, र नेपाली बजारमा समेत थप विकास र सेवा प्रदान गर्न मिलेर काम गर्ने योजना बनाएको छ ।

नेपालको सन्दर्भमा विना कुनै आधिकारिक जानकारी केही मिडियाहरुमा दायुन अटोमोटिभका वारेमा गलत रिपोर्टहरु प्रकाशित भएका र यसले कम्पनीको वर्तमान अवस्थाबारे गलत जानकारी प्रवाह भएको कम्पनीको भनाइ छ । भनिएको छ, ‘यी रिपोर्टहरू भ्रामक छन् र कम्पनीको वास्तविक स्थिति प्रतिविम्बित गर्दैन ।’ दायुनले यसलाई असत्य भनेको छ र जनतालाई सही जानकारीका लागि प्रमाणित स्रोतहरुमा निर्भर हुन आग्रह गरेको छ। कम्पनीले आफ्ना उत्पादनहरुमा पूर्ण प्रतिबद्ध भएको र नेपाली बजारमा सकारात्मक योगदान दिने जानकारी तदएको छ ।

दायुन समूह, चीनको इलेक्ट्रिक गाडी (ईभी) उद्योगको एक प्रतिष्ठित कम्पनी हो, जसको उत्पादन पोर्टफोलियोमा हेभी ट्रक, हलुका ट्रक, कार मोटरसाइकल र इन्जिनहरू समावेश छन् । दायुन समूहले घरेलु र अन्तर्राष्ट्रिय स्तरमा एक बलियो प्रतिष्ठा बनाएको छ । २००४ मा कमर्सियल भेइकल क्षेत्रमा सफल प्रवेश पछि र २०१७ मा नयाँ प्रिमियम गाडी बजारमा सामेल भएपछि दायुनले विश्वव्यापी अटोमोटिभ बजारमा आफ्नो स्थानलाई मजबुत बनाएको छ । ६ वटा उत्पादन केन्द्र र १८ लाख ७० हजार गाडीहरूको वार्षिक उत्पादनसँगै दायुनको तीन दशक लामो अनुभवले यसको सफलता कायम राख्न सहयोग पु¥याएको छ ।

नेपाली बजारमा चौधरी ग्रुप अन्तर्गतको सीजी मोटर्सले पहिलो पटक केही समय पहिले दायुन युइहु सब–कम्प्याक्ट एसयूभी भित्र्याएको छ । यसको मूल्य ३१ लाख रुपैयाँ रहेको छ ।