दशैको अग्रिम टिकट बुकिङ वारे आज निर्णय हुने

काठमाडौं – दशै नजिकिदै गर्दा राजधानीबाट वाहिरिने यात्रुहरुका लागि अग्रिम टिकट बुकिङ कहिले खोल्ने भन्ने वारेमा आज छलफल हुने भएको छ ।

भौतिक पूर्वाधार तथा यातायात मन्त्रालयमा यातायात व्यवसायी, ट्राफिक प्रहरी लगायत सरोकारवालाबीच बैठक बस्न लागेकाे हाे।

नेपाल यातायात व्यवसायी राष्ट्रिय महासंघका वरिष्ठ उपाध्यक्ष पुण्यप्रसाद सिटौलाका अनुसार हालको वर्षा, शान्ति सुरक्षा अवस्था र जेनजी आन्दोलनपछिको स्थिति विश्लेषण गरेर निर्णय गरिनेछ। उनका अनुसार जेनजी युवाको प्रदर्शनको क्रममा भएको हिंसा, तोडफोड, आगजनी र लुटपाटपछि लागेको कर्फ्यु हट्दै गए पनि शान्ति सुरक्षाको अवस्थामा यातायात व्यवसायीमा अझै संशय बाँकी नै छ । यदि सुरक्षित र यात्रुमैत्री वातावरणको ग्यारेन्टी भए अग्रिम टिकट बुकिङ खुलाउन यातायात व्यवसायीहरु तयार छन् ।

सिटौलाले भने, ‘यदि सुरक्षित र यात्रुमैत्री वातावरणको ग्यारेन्टी भयो भने व्यवसायीहरू अग्रिम टिकट बुकिङ खुलाउन तयार छन्।’

यस वर्ष दशैंको टीका असोज १६ गते परेको छ।