ड्रिम बाइकका रुपमा स्थापित हुुँदै क्रसफायर

नेपालमा डर्ट अर्थात अफरोड बाइकको नाम लिंदा शुरुमै आइहाल्ने नाम हो क्रसफायर । अस्ट्रेलियन ब्रान्डको यो मोटरसाइकल नेपाल भित्रिएको ८ बर्ष पूरा भएको छ । सन् २०१३ मा क्लासिक ह्विल्स एक्सपोर्ट एन्ड इम्पोर्ट प्रालिले नेपाल भित्र्याएको यो बाइक अहिले अधिकांश नेपाली युवाहरुको ड्रिम बाइक समेत बनेको छ ।

क्रसफायर भित्रिनुअघि नेपालमा डर्ट बाइकको बजार अहिलेको जस्तो ठूलो थिएन । एकाध ब्रान्डले केही थान यस्ता बाइक आयत गरी कारोबार गर्ने गर्थे । जव बजारमा यसको डर्ट बाइक भित्रियो त्यसपछि भने यो सेग्मेन्टमा क्रसफायरले एक प्रकारको बेन्चमार्क नै खडा गरिरहेको छ । अहिले क्रसफायरको सिको गर्दै बिभिन्न ब्रान्डले समेत यो सेग्मेन्टका बाइक आयत गर्न थालेपछि बजार समेत फराकिलो बन्न थालेको छ ।

क्रसफायर मुलत अष्ट्रेलियन ब्रान्ड हो । यद्यपि यसको उत्पादन भने चीनमा समेत हुने कारण नेपालमा पनि सोही मुलुकबाट आयत भैरहेको छ । चीनमा उत्पादन हुने कारण कतिपयले यसलाई चीनीयाँ ब्रान्ड समेत भन्ने गर्छन् । तर यो चीनमा उत्पादन गरिएको अष्ट्रेलियन ब्रान्डको मोटरसाइकल हो ।

क्लासिक ह्विल्सले यो सहित इटालिका मोटो र एस ब्रिटिस लगायत अन्य ब्रान्डका मोटरसाइकल र स्कुटरको समेत आयत गरी कारोबार गर्दै आइरहेको छ । कम्पनले देशका बिभन्न ६ स्थानमा नेटवर्क बिस्तार गरी बिक्री बितरण र बिक्री पछिको सेवा उपलब्ध गराउँदै आएको छ । निकट भबिष्यमै देशका अन्य ९ स्थानमा सेल्स, सर्भिस र स्पेयर पार्ट्स सहितको नेटवर्क बिस्तार गर्ने योजना बनाएको छ ।

त्यसैगरी बिक्री पछिको सेवालाई सरल सहज र सर्बसुलभ बनाउन लोकल वर्कशपलाई तालिम दिई आधिकारिक सर्भिस प्वाइन्टका रुपमा बिकास गर्दै जाने योजना समेत बनाएको छ । आकर्षक लुक्स, स्पोर्टी डिजाइन र छुट्टै प्रकारको स्मुथ आवाज क्रसफायर बाइकका बिशेषता हुन् । यी बिशेषताका कारण यो बाइकमा लालयित युवा जमात बढिरहेको छ । फलस्वरुप क्रसफायरको नेपाली बजार हरेक बर्ष बिस्तार भैरहेको छ । नेपालमा हाल एचजे २५०, जीआर७ २५०, आरएम २५० रेस एडिसन र ट्रेकर २५० गरी ४ भीन्न मोडलका यी बाइक उपलव्ध छन् । जसको मुल्य क्रमश ६ लाख ५५ हजार, ५ लाख ४५ हजार, ७ लाख २५ हजार र ३ लाख ४८ हजार रुपैयाँ निर्धारण गरिएको छ ।