क्रेटा फेसलिफ्टले पायो क्र्यास टेष्टमा ५ स्टार रेटिङ

आसियन एनक्यापले गरेको क्र्यास टेष्टमा हुन्डाई मोटर्सको मिड साइज एसयूभी क्रेटा फेसलिफ्टले ५ स्टार रेटिङ हात पारेको छ । नयाँ प्रोटोकलमा आधारित उक्त टेष्टमा हुन्डाइले पहिलोपटक क्रेटा एसयूभीलाई क्र्यास टेष्टमा पठाएको थियो । यसअघिका पुरानो प्रोटोकलमा भने यो व्रान्डाका ह्याचव्याक र सेडान कार सहभागी हुँदै आएका थिए ।

उक्त टेष्टमा क्रेटाले समग्रमा ७५.७८ अंक हाँसिल गर्दै उत्कृष्ट रेटिङ पाएको हो । जसअन्तर्गत एडल्ट प्रोटक्सनमा ३४.७२, चाइल्ड प्रोटेक्सनमा १५.५६, सेफ्टि एसिस्टमा १४.०८ र मोटरसाइक्लिस्ट सेफ्टिमा ११.४२ अंक सहित यो लोकप्रिय एसयूभी सुरक्षाको सवालमा उत्कृष्ट ठहर भएको हो ।

टेष्ट गरिएको उक्त एसयूभीमा दुई ओटा एयर व्याग उपलब्ध रहेपनि यसको उच्च भेरियन्टमा ६ वटा एयरव्याग रहँदै आएको छ । सुरक्षालाई मध्येनजर गर्दै यसमा इलेक्ट्रिोनिक स्ट्याविलिटी कन्ट्रोल(इएससी), एन्टि व्रेकिङ सिस्टम(एविएस), सिटवेल्ट रिमाइन्डर सिस्टम(एसविआर) र चाइल्ड सिट र पैदल यात्रुको सुरक्षाका लागि आइएसओफिक्स लागयत टेक्नोलोजी जडान गरिएको छ ।

यसका अतिरिक्त यो एसयूभीमा अटोनोमस इमर्जेन्सि सिस्टम(एइएस), फरवार्ड कोलिजन वार्निङ( एफसिडव्लू), लेन किप एसिस्ट(एलकेए), लेन डिपार्चर वार्निङ(एलडिडव्लू), अटो हाई विम(एएचवि) र व्लाइन्ड स्पट डिटेक्सन(विडव्लूएस) जस्ता अत्याधुनिक सेफ्टि फिचर्स समेत दिइएको छ ।

क्रेटा नेपाली एसयुभी पारखीमाझ सर्बाधिक रुचाइएको मोडल हो । मिड साइज एसयूभीमा यसले विगत लामो समयदेखी बजारको नेतृत्व गर्दै आइरहेको छ ।