जेसीबी वा निर्माण उपकरणको रङ किन पहेलो हुन्छ ?

निर्माण स्थलहरूमा पहेँलो मेसिनले उत्खनन वा तोडफोड जस्ता कामहरू गरिरहेको देख्नु भएकै होला । जसलाई दुवैतर्फबाट सञ्चालन गर्न सकिन्छ । यो जम्बो मेसिनको रङ पहेंलो हुन्छ, जसलाई धेरैले जेसीबी भनेर चिन्छन् । यस्ता मेसिन धे्रै कम्पनीका भए पनि जेसीबी नै धेरै प्रचलित भएकाले यसलाई जेसीबी नै भनेर चिन्ने धेरै छन् ।

जेसीबी मेसिन होइन, कम्पनीको नाम हो
वास्तवमा जेसीबी मेसिनको नाम होइन । यो जेसीबी बनाउने कम्पनीको नाम हो । कम्पनीले करिब ८० वर्षदेखि निर्माण स्थलमा प्रयोग हुने जेसीबी मेसिनहरू निर्माण गर्दै आएको छ । यो खासमा एस्काभेटर हो । जेसीबी पहिलो पटक सन् १९४५ मा लन्च गरिएको थियो । यस कम्पनीको मालिक र संस्थापक ब्रिटिश अरबपति जोसेफ सिरिल बामफोर्ड थिए । उनकै छोटकरी नाममा यो मेसीनको नाम जेसीबी राखिएको हो ।

यो किन पहेंलो हुन्छ ?
वास्तवमा पहेंलो रङले अन्य रङको तुलनामा सजिलै ध्यान आकर्षित गर्छ । निर्माण स्थलहरूमा प्रयोग हुने जेसीबी वा अन्य मेसिनहरू पहेंलो हुनुको कारण रङको दृश्यता हो । जसको कारणले गर्दा उत्खनन गरिएको ठाउँमा जेसीबी सजिलै देख्न सकिन्छ । साथै, अँध्यारोमा पनि पहेंलो रङ सजिलै देख्न सकिन्छ ।

एक रिसर्चका अनुसार पहेंलो रङ रातो रङको तुलनामा १.२४ गुणा प्रष्ट देख्न सकिन्छ । सुरक्षालाई ध्यानमा राखेर जेसीबी वा स्कुल बसको रङ पहेंलो राखिएको हो । निर्माणस्थलमा काम गर्ने अधिकांश कामदारले पहेंलो रङको हेलमेट र ज्याकेट लगाएका हुन्छन् । तर, पछि रेडियम लाइट र स्टिकरजस्ता प्रविधिको आगमनसँगै तिनीहरूको रङ परिवर्तन हुन थाल्यो ।

निलो जेसीबी
कम्पनीले निलो रङको जेसीबी पनि बनाएको थियो । यद्यपि यो विशेष रूपमा कम्पनीको ५६औं वार्षिकोत्सवको लागि मात्र बनाइएको थियो, जुन वास्तवमा इको ब्याकहो लोडर थियो तर यसको सुविधाहरू आजको जेसीबी जस्तै थिए । त्यो मेसिनमा जुनियर ज्याक कलर प्रयोग गरिएको थियो, अर्थात् यसको रङ इङ्गल्याण्डको झण्डा जस्तो देखिन्थ्यो ।

जेसीबीको फास्ट्रयाक ट्रयाक्टर
साधारण ट्रयाक्टरको गति ३५ किलोमिटर प्रति घन्टा हुन्छ । विश्वको सबैभन्दा तीव्र गतिको ट्रयाक्टर ‘फस्ट्रयाक’ जेसीबी कम्पनीले सन् १९९१ मा बनाएको थियो । यसको अधिकतम गति ६५ किलोमिटर प्रति घन्टा थियो । अहिलेसम्म यस्तो तीव्र गतिको ट्रयाक्टर बनेको छैन ।