क्लासिक राइड सौराहा : काठमाडौं देखि सौराहाको यात्रामा इन्फिल्ड राइडर

काठमाडौं – रोयल इन्फिल्डको आधिकारिक वितरक अल्फा अटोमोटिभ अन्तर्गतको आधिकारिक वर्कशप इमेज अटोमोबाइलको आयोजनामा काठमाडौं देखि सौराहा सम्मको क्लासिक राइड सौराहा प्रारम्भ भएको छ । काठमाडौंको बसुन्धरास्थित इमेज अटोमोबाइलबाट प्रारम्भ भएको उक्त राइड कार्यक्रमको सुरुवात अल्फा अटोमोटिभका मार्केटिङ हेड प्रकाश देवकोटाले गरे ।

काठमाडौंबाट प्रारम्भ भएको सो क्लासिक राइडमा ३५ रोयल इन्फिल्ड बाइक र ६० जनाको सहभागिता रहेको छ । काठमाडौंबाट नौबिसे, मुग्लिङ हुँदै राइडरहरु सौराहाको सफारी क्लब पुग्ने छन् । सो अवसरमा ग्रुप राइड, थारु कल्चर शो, लाइभ म्युजिकका साथ एकोमोडेसन एन्ड पुल पार्टी आदिका साथ उनीहरु रमाउने छन् ।

त्यसैगरी बेस्ट राइडर, आर्म रेस्लिङ, ड्रिंकिङ कम्पिटिसन, सिनियर सिटिजनसिप अवार्ड र पट ब्रेक जस्ता प्रतियोगिता समेत आयोजना गरिने छ ।

पर्यटन प्रवद्र्धनमा सहयोग गर्नु र ग्रुप मेम्बरहरुलाई रिफ्रेसमेन्ट उपलब्ध गराउनु राइड कार्यक्रमको मुख्य उद्देश्य भएको आयोजकको भनाइ छ ।

भोलि सौराहाबाट हेटौडा र दामन हुँदै राइडरहरु काठमाडौं फर्किने कार्यक्रम छ ।