क्लासिक ३५० संग प्रतिस्पर्धा गर्न होन्डाले ल्यायो नयाँ बाइक

होन्डाले ३५० सिसी लाइनअपमा नयाँ मोटरसाइकल थप गरेको छ । सिबी ३५० नामले आएको सो नयाँ मोटरसाइकलले रोयल इन्फिल्ड क्लासिक ३५० संग प्रतिस्पर्धा गर्ने जनाइएको छ । सो नयाँ मोटरसाइकलको मूल्य २ लाख भारु निर्धारण गरिएको छ ।

सिबी ३५० मा होन्डाले हाइनेस सिबी ३५० र सिबी ३५० आरएसको च्यासिस सेयर गरेको हो । सो नयाँ बाइकमा ३४८ सिसीको एयर कुल्ड सिंगल सिलिन्ड इन्जिन जडान गरिएको छ । जसको पावर २१ एचपी र टर्क २९ एनएम रहेको छ ।

सिबी ३५० मा होन्डाले आफ्नो स्मार्टफोन भ्वाइस कन्ट्रोल सिस्टम दिएको छ । साथै यसमा एलइडी लाइट, एसिस्ट एण्ड स्लिपर क्लच र ट्रयाक्सन कन्ट्रोल लगायत फिचर पाउन सकिन्छ ।

सो नयाँ बाइक डिएलक्स र डिएलक्स प्रो भेरिएन्टमा उपलब्ध रहेको छ । जसमध्ये डिलक्स प्रोको मूल्य २ लाख १८ हजार भारु तोकिएको छ । होन्डो सो नयाँ मोटरसाइकल निकट भविष्यमा नेपाली बजारमा समेत उपलब्ध हुनेछ ।