ग्राहकले पाउन थाले सिट्रोन सी३ र ई–सी३, दशैं अगाडी सबै ग्राहकलाई डलिभरी गरिने

काठमाडौं– सिट्रोन गाडीको नेपालका लागि आधिकारिक वितरक सांग्रिला मोटर्सले नाडा अटो शोमा प्रि–बुकिङ गरेका ग्राहकहरूलाई दशैं अघि नै नयाँ गाडी डेलिभर गर्न सुरु गरेको छ । सांग्रिलाको यो कदमले आफ्ना ग्राहकहरुलाई सर्वोत्कृष्ट सेवा प्रदान गर्ने प्रतिबद्धतालाई झल्काएको छ ।

भर्खरै सम्पन्न भएको नाडा अटो शोमा धेरै ग्राहकहरूले सिट्रोनको नयाँ विद्युुतिय गाडी सिट्रोन ई–सि३ र पेट्रोल गाडी सिट्रोन सि३ बुकिङ गरेका थिए । सिट्रोन ई–सि३ भारतमा बनेको कम्प्याक्ट एसयुभी सेग्मेन्टमा सबैभन्दा आकर्षक मुल्यमा उपलब्ध ईभि हो । आफ्ना ग्राहकहरुको उत्साहजनक प्रतिक्रियाको लागि कृतज्ञता व्यक्त गर्न सिट्रोनले दशैं अगावै गाडीहरुको डेलिभरी प्रक्रिया सुरु गरेको हो ।

नाडा अटो शोमा ग्राहकहरुले देखाएको माया र साथप्रति आधार प्रकट गर्दै कम्पनीका प्रबन्ध निर्देशक हेमन्त गोल्छाले भने, ‘जतिपनि गाडीहरु नाडा अटो शोमा बूक भएका थिए तिनीहरु सबै दशैँ अगाडि नै वहाँहरुको हातमा पु¥याइसक्ने उद्देश्यले हामीले यी गाडीहरुको डेलिभरी पनि सुरु गरिसकेका छौँ । आशा छ हाम्रा ग्राहकहरुले यो वर्षको दशैँ तिहार सिट्रोनको नयाँ गाडीसँग रमाइलो तरिकाले मनाउनु हुनेछ ।’

सांग्रिला मोटर्सले पोखरा र चितवन लगायत थापाथली, बिर्तामोड, इटहरी, विराटनगर, बुटवल, नेपालगंज, दाङ्ग र धनगढीमा पनि आफ्ना नयाँ शोरुमहरु विस्तार गरेको छ ।