सिट्रोन गाडी किन्दा २ लाख ५० हजार सम्म फाइदा

काठमाडौं – नेपालमा सिट्रोन गाडीको आधिकारिक वितरक सांग्रिला मोटर्स प्रालिले नेपाली नयाँ वर्षको अवसरमा चलिरहेको अफरलाई अझै बढाएको छ ।

सो अफर अन्तर्गत भारतमा बनेको फ्रेन्च ब्रान्ड सिट्रोन सी३ र ई–सी३ को खरिदमा नगद बोनस, निःशुल्क रोड ट्याक्स, एक वर्ष सम्मको व्यापक बीमा, एक्सचेन्ज बोनस सहित २ लाख ५० हजार रुपैयाँ सम्मको फाइदा लिन सक्ने छन् ।

सो अफरको वारेमा आवश्यक जानकारी कम्पनीका देशभर रहेका विभिन्न शोरुमहरुबाट लिन सकिने छ । त्यसैगरी वैकल्पिक रूपमा कम्पनीको अफिसियल नम्बर र वेवसाइट मार्फत सीधा सम्पर्क गर्न सकिने छ ।

सिट्रोन एक प्रसिद्ध फ्रान्सेली अटोमोटिभ ब्रान्ड हो, जसको लिगेसी १०३ वर्ष भन्दा लामो रहेको छ । सिट्रोन १०१ देशहरूमा अवस्थित छ र विश्वव्यापी रूपमा ६२०० बिक्री र सेवाहरूको नेटवर्क रहेको छ ।