सिट्रोन ई–सी३ : मिड रेन्ज कम्प्याक्ट एसयूभीमा राम्रो विकल्प बन्दै

फ्रेन्च कार निर्माता सिट्रोनले भारतमा बनेको आफ्नो नयाँ इलेक्ट्रिक मोडल सिट्रोन ई–सी३ लाई केही समय अगाडि नेपालमा ल्याएको थियो । अहिले नेपाली बजारमा हाई रेन्जदेखि लो रेन्ज सम्मको इलेक्ट्रिक गाडीहरु पर्याप्त उपलब्ध छन् । यस्तो अबस्थामा सिट्रोन ई–सी३ मिड रेन्ज कम्प्याक्ट एसयुभीको पर्फेक्ट विकल्प बनेर नेपाली बजारमा आएको हो ।

सिट्रोन ई–सी३ को आगमनसँगै नेपाली अटोमोटिभ क्षेत्रमा एक किसिमको तरङ्ग आएको छ । सिट्रोन ई–सी थ्रीले यसै वर्ष न्युयोर्कमाआयोजितन्युयोर्क अटो शोको १९औँ वल्र्ड कार अवार्ड समारोहमा ‘वल्र्ड अर्बन कार अफ द इयर २०२३’ जित्न सफल भएको थियो ।

२९.२ किलोवाट क्षमताको ब्याट्री भएको यस कार पूर्णरुपमा डिसी फास्ट चार्जिङ प्रदान गर्ने यस सेगमेन्टकै पहिलो गाडी हो । रिजेनेरेटिभ ब्रेकिङको साथ आउने यस विद्युतीय गाडीमा हरेक पटक ब्रेक लगाउँदा स्वतः चार्ज हुन्छ । त्यसैगरी पूर्णत अटोम्याटिक ड्राइभ फिचर भएको ई–सी३ मा ई–टगल र अटोमेटिक गियरबक्स पनि उपलब्ध रहेको छ ।

विद्युतीय गाडी किन्दा हाम्रो दिमागमा सबैभन्दा पहिला आउने प्रश्न भनेको यसले दिने रेन्ज हो । यो प्रश्नलाई सिट्रोन ई–सी३ ले चित्त बुझ्नेगरि सम्बोधन गरेको छ । कम्पनीका अनुसार गाडीले सिङ्गल चार्जमा ३२० किलोमिटरको (एमआइडिसि साइकलअनुसार) रेन्ज दिन्छ भने ब्याट्री पनि जम्मा ५६ मिनेटमा नै ०% देखि ८०% सम्म चार्ज हुन्छ ।

सुरक्षाको मामिलामा पनि ई–सी३ मा केही कमी नरहेको कम्पनीको दाबी छ । सेफ्टि फिचर अन्तर्गत यसमा एबिएस, इएसपी र मल्टिपल एयर ब्याग लगायत अन्य प्रशस्तै फिचर पाउन सकिन्छ । क्याबिन र सिटहरू पनि फराकिलो र आरामदायी रहेको यस कारमा २६ सेन्टि मिटरको सिट्रोन कनेक्ट टच स्क्रिन डिस्प्ले, वायरलेस स्क्रिन मिररिङ र सिमलेस स्मार्टफोन कनेक्टिभिटी दिइएको छ ।

वारेन्टीको कुरा गर्नुपर्दा गाडीमा ३ वर्ष अर्थात १ लाख २५ हजार किलोमिटरको वारेन्टी दिइएको छ भने ब्याट्रीमा ७ वर्ष अर्थात १ लाख ४० हजार किलोमिटरको वारेन्टी पाउन सकिन्छ । त्यसैगरी मोटरमा भने ५ वर्ष अर्थात १ लाख किलोमिटरको वारेन्टी छ ।

ई–सी३ प्रयोग गर्दै आएका ईभी पारखीले यस कारका वारेमा निकै राम्रो र सकरात्मक प्रतिक्रिया ब्यक्त गर्न थालेका छन् । यो नयाँ कार प्रयोग गर्दै आएका डीडी सेक्युरिटी सर्भिस प्रालिका कार्यकारी निर्देशक मनोहर कोइरालाले भने, “जब म पेट्रोल गाडीबाट सिट्रोन ई–सी३ मा स्वीच गरेँ, मेरो पुरै ड्राइभिङ एक्सपिरिएन्स नै परिवर्तन भयो । यो भन्दा अगाडि मलाई काठमाडौँको रोडहरू नेभिगेट गर्न यस्तो सजिला ेकहिल्यै भएको थिएन । मेन्टेनेन्स र चार्जमा खर्च त कम भयो नै, मेरो मासिक खर्चहरू पनि कम हुँदै गएको छ । जब–जब म यो कार चलाउँछु, मैले मेरो लागिमात्र नभएर दिगो भविष्यको लागि पनि सही निर्णय गरेछु भन्ने लाग्छ ।”

रेन्ज, ब्याट्री, डिजाइन सबैमा उत्कृष्ट सिट्रोन ई–सी थ्रीखरिद गर्न पनि उत्तिकै सजिलो छ । जम्मा २०% डाउन पेमेन्टमा यसलाई आफ्नो बनाउन सकिने र बाँकी ८०% भुक्तानीको लागि ९.४९% ब्याज दरमा ७ वर्षको बैँक ऋण उपलब्ध हुने कम्पनीले जानकारी दिएको छ ।