चीनीयाँ ब्रान्डका ४ पिकअप, यस्तो छ इन्जिन, फिचर्स र मूल्य

पिकअप नेपाली बजारमा निकै नै रुचाइएको सवारीसाधन हो । पर्याप्त कार्गो राख्न मिल्ने र अगाडी चालक सहित ५ जनासम्म यात्रुले आरामदायी यात्र गर्न मिल्ने बिशेषताका कारण यो साधन नेपालमा लोकप्रिय बन्दै गएको हो । बजारमा अहिले सिंगल र डबल क्याव भेरियन्टका पिकअप उपलब्ध छन् । जसमध्ये सिंगल क्याबयुक्त पिकअपलाई बढी जसो सामान ढुवानी प्रयोजनमा प्रयोग गरिँदै आइएको छ भने डबल क्यावलाई भने प्यासेन्जर कार सरह नै प्रयोग गर्ने गरेको पाइन्छ ।

डबल क्याव पिकअपमा कारकै सरह फिचर्स उपलब्ध हुने कारण पनि यसको प्रयोग प्यासेन्जर प्रयोजनमा बढी प्रयोग हुने गरेको हो । यस्ता पिकअप बिशेषगरी निर्माण क्षेत्र, हाइड्रोपावर र दुर्गम क्षेत्र लक्षित बिभिन्न बिकास परियोजनाहरुमा बढी मात्रामा प्रयोग हुने गरेको पाइन्छ । उच्चतम ग्राउन्ड क्लिरियन्स, पावरफूल इन्जिन र आरामदायी फिचर्सको साथसाथै फराकिलो लगेज कम्पार्ट जस्ता बिशेषताका कारण यो साधन लोकप्रिय बनिरहेको हो । डबल क्याव पिकअपलाई लाइफस्टायल पिकअप समेत भन्ने गरिन्छ ।

बजारमा अहिले भारत, चीन, जापान, थाइल्यान्ड र कोरियबाट यस्ता पिकअप आयत भैरहेका छन् । जसमध्ये पछिल्लो समय चीनबाट भित्रिने यस्ता पिकअपले बिस्तारै चर्चा बटुल्न थालेका छन् । चीनबाट हाल फोटोन, ग्रेटवाल पोअर, जेएसी र चांगन ब्रान्डका पिकअप आयत भैरहेका छन् । जसको इन्जिन, फिचर्स र मूल्यबारे जानकारी यस प्रकार रहेको छ ।

फोटोन टुनल्यान्ड
यी ४ पिकअपमध्ये फोटोन टुनल्यान्ड सबैभन्दा पहिले चीनबाट भित्रिएको पिकअप हो । नेपालका लागी आधिकारिक बितरक एमएडब्लू कर्मसियललले भित्राएको यो पिकअपमा २.८ लिटरको इनलाइन ४ सिलिन्डर, टर्बेचार्ज एन्ड इन्टरकुलरसहितको फोरवाईड ५ स्पिड म्यानुल ट्रान्समिसन भएको डिजेल इन्जिन राखिएको छ । जसको अधिकतम पावर ८५ किलोवाट र टर्क २८० एनएम रहेको छ ।

यसको कार्गो बक्सको आकार १.५२ मि बाई १.५८ मि बाई ०.४४ मि रहेको छ जुन क्लासकै सबैभन्दा ठूलो रहेको दाबी गरिएको छ । साथै यसको पेलोड क्यापासिटी १ टन र फ्युल ट्यांक क्यापासिटी ७६ लिटर रहेको छ । यात्राको आरामका लागि टुन्ल्यान्ड ईमा अगाडि अपर एन्ड लोवर ए–आर्म ९डबल विशबोन क्वाइल स्प्रिङ र पछाडि शक एब्जर्बरहितको डिपेन्डेन्ड सस्पेन्सन राखिएको छ ।

डुअल एअरब्याग, फ्रन्ट भेन्टिलेटेड डिस्क, ईबीडीसहितको एबीएस, सेन्ट्रल लकिङ र सिट बेल्ट वार्निङ जस्ता सुरक्षाका फिचर दिइएको छ । साथै, यसमा टिल्ट एन्ड टेलिस्कोपिक पावर स्टेरिङ, एअर कन्डिसनर, हिटर, इलेक्ट्रिकल्ली एड्जस्टेबल रियर भ्यु मिरर आदि छन । यो पिकअपको मूल्य नेपाली बजारमा ५९ लाख ५० हजार रुपैयाँ तोकिएको छ ।

चागंन हन्टर
औपचारीक लन्च हुन बाँकी नै रहेको चांगन हन्टरको केही युनिट पिकअप नेपाल आइसकेको छ । नेपालका लागी आधिकारिक बितरक एमएडब्लू अटो कर्पले हाल यसको बुकिङ लिइरहेको छ । चीनको अग्रणी अटोमोबाइल ब्रान्डले हन्टरमा १.९ टर्बोचाज्र्ड इन्जिन उपलब्ध गराएको छ । जसले १५० एचपी पावर र ३५० एनएम टर्क जेनेरेट गर्छ । उक्त प्रिमियम पिकअपको ग्राउन्ड क्लियरेन्स २३० एमएम छ, जुन यो सेग्मेन्टकै सबैभन्दा राम्रो रहेको दाबी गरिएको छ । यसले १ टनको पेलोड वजन उठाउन सक्छ ।

६–स्पिड अटोमेटिक गियर ट्रान्सिमसन दिइएको यो पिअपले रोडको कन्डिसन अनुसार आफै नै गियर बदल्न सक्ने बताइएको छ । हन्टरमा १० इन्चको एचडी इन्फोटेनमेन्ट टचस्क्रिन, पुस इन्जिन स्टार्ट बटन, क्रुज कन्ट्रोल, टायर प्रेसर मोनिटरिङ सिस्टम, इलेक्ट्रोनिक स्टाबिलिटी प्रोग्राम र हिल डिसेन्ट कन्ट्रोल जस्ता फिचर रहेका छन । यसमा आरामदायी पावर असिस्टेड सिट पनि रहेको छ भने यसलाई इको र स्पोर्ट मोडमा चलाउन सकिन्छ । यो पिकअपको मूल्य ७५ लाख ५० हजार रुपैयाँ तोकिएको छ ।

जेएसी टि८
जेएसी टि८ लाई साग्रिला मोटर्सले नेपाल भित्राएको हो । हाल यो पिकअपको रोड परिक्षण भैरहेको छ भने खरिद गर्न इच्छुक ग्राहकले बुकिङ समेत गर्न सक्नेछन् । जेएसी टि८ मा २.० लिटर टर्बो डिजेल इन्जिन जडान गरिएको छ । जसको अधिकतम पवार १३७ एचपी र टर्क ३२० एनएम रहेको छ । साथै, यो ६ स्पीड म्यानुअल ट्रान्समिसनसहित उपलब्ध छ ।

टी८ मा मल्टी फङक्सन स्टेयरिङ ह्वील, समायोजन गर्न मिल्ने स्टेयरिङ कोलम, क्रुज कन्ट्रोल, रिभर्स क्यामेरा, रियर पार्क सेन्सर, रिमोट सेन्ट्रल लकिङसँगै अटो डोर लक र कम्प्युटरर मल्टी–इन्फरमेसन डिस्प्ले जस्ता फिचर्स दिइएको छ । साथै यसमा ब्लुटुथ सहितको ७ इन्चको टचस्कृन इन्फोटेनमेन्ट समेत उपलब्ध गराइएको छ । । आकर्षक स्टाइल, उचित सामानहरु र उत्कृष्ट बनावटले टी८ लाई सधैं पहिलो रोजाइमा पार्ने निश्चित रहेको दाबी कम्पनीको छ ।

डुअल एयरब्याग, ट्रयाक्सन कन्ट्रोल सिस्टम, भेहिकल डाइनामिक्स कन्ट्रोल, इलेक्ट्रोनिक स्टाबिलिटी कन्ट्रोल र हिल–स्टार्ट होल्ड कन्ट्रोललगायत सेफ्टि फिचर्स समाबेश गरिएको यो पिकअपमा फ्रन्ट र रियर डिस्क ब्रेक, एन्टि–लक ब्रेकिङ सिस्टम, इलेक्ट्रोनिक ब्रेक फोर्स डिस्ट्रिब्युसन, ब्रेक ओभरराइड सिस्टम, हाइड्रोलिक ब्रेक असिस्ट र टायर प्रेसर मनिटरिङ सिस्टम समेत उपलब्ध गराइएको छ । यो पिकअपको सुरुवाती मूल्य ५६ लाख ९९ हजार रुपैयाँ तोकिएको छ ।

ग्रेटवाल पोअर
ग्रेटवाल मोटर्सको नेपालका लागि आधिकारिक बितरक भिजी इम्पेक्सले भित्राएको पोअर पिकअपमा २.० लिटरको टर्बोचाज्र्ड डिजेल इन्जिन रहेको छ, जसल े१६० एचपी पावर ४०० एनएम टर्क जेनेरेट गर्छ । ग्रेटवालको पोअर पिकअप दुई भेरिएन्टमा उपलब्ध छ । एउटा सनरुफ भएको र अर्को सनरुफ नभएको । एड्भान्स म्युजिक सिस्टम र सेफ्टी फिचर भएको पोअर फोर ह्विल ड्राइभयुक्त पिकअप हो ।

यसको इन्टेरियरमा ३.५ इन्चको कलर इन्स्ट्रुमेन्ट क्लस्टर दिइएको छ । कालो कलरमा आकर्षक तवरबाट सजाइएको यसको इन्टेरियर आरमदायी र सुबिधासम्पन्न रहेको छ । जहाँ लेदर बेरिएको स्टेरिङ ह्विल, २ वटा युएसबी पोर्ट र क्रुज कन्ट्रोलको सुबिधा दिइएको छ । यसमा आर्टिफिसियल लेदर सिट उपलब्ध गराइएको छ । जसमध्ये ड्राइभर सिटलाई ६ तवरबाट र फ्रन्ट प्यासेन्जर सिटलाई ४ तवरबाट म्यानुअल्लि एडजस्ट गर्न सकिन्छ ।

डुअल फ्रन्ट एयर ब्याग र साइड कर्टेन एयर ब्याग समेत उपलब्ध गराइएको पोअरमा भेहिकल स्टाबिलिटी कन्ट्रोल, हाइड्रोलिक ब्रेक एसिस्ट सिस्टम, ट्रयाक्सन कन्ट्रोल, हिल– स्टार्ट एसिस्ट कन्ट्रोल, हिल डिसेन्ट कन्ट्रोल लगायत अन्थ थुप्रै सेफ्टि फिचर्स दिइएको छ । यो पिकअपको मूल्य नेपाली बजारमा ६५ लाख रुपैयाँ निर्धारण गरिएको छ ।