चाइनिज ईभीले पायो ‘जापान ईभी अवार्ड २०२४’

चाइनिज ईभी निर्माता कम्पनी बीवाईडीले जापानको ईभी बजारमा महत्वपूर्ण उपलब्धि हासिल गरेको छ । बीवाईडी सिल ईभीले तेस्रो जापान एनुअल ईभी अवार्ड्समा महत्वपूर्ण उपाधि हासिल गरेको हो ।

बीवाईडी सिलले होन्डा एन–भ्यान ई र हुन्डाई आयोनिक ५ एनलाई पछि पार्दै सो उपाधि हासिल गरेको हो । बीवाईडी सिलले यो भन्दा पहिले पनि २०२४–२०२५ जापान कार अफ द इयरमा ‘टप १० बेस्ट मोडल’ को उपाधि पाइसकेको थियो ।

बीवाईडी सिल जापानमा सन् २०२४ मा रियर ह्विल र फोर ह्विल ड्राइभका साथ भित्रिएको थियो । सो अवार्डको आयोजक ईभीस्मार्टले बीवाईडी सिलको डिजाइन स्टाइल र कम्प्रिहेन्सिभ पर्फमेन्सका कारण पब्लिक र इन्डष्ट्रि भोटिङ पाएको बताएको छ ।

बीवाईडी सिलमा २.५६ किलोवाट आवरको बीवाईडी ब्लेड ब्याट्रीको प्रयोग गरिएको छ । यसको फोर ह्विल ड्राइभ ट्रिमले ३.८ सेकेन्डमा ० देखि १०० किलोमिटर सम्मको गति लिन्छ भने रियर ह्विल ड्राइभले ५.९ सेकेन्डमा लिन्छ ।

२०२५ बीवाईडी सिलले ५१०, ६५० र ६०० किलोमिटरको रेन्ज दिन्छ । फास्ट चार्जिङमार्फत यसलाई २० मिनेटमा ३० देखि ८० प्रतिशत सम्म चार्ज गर्न सकिन्छ ।

नेपाली बजारमा समेत बीवाईडी सिल ईभी उपलब्ध छ ।