चेरी गाडीको खरिदमा ५ लाख ८९ हजार सम्मको फाइदा, नगद छुट नै ४ लाख ५० हजार

काठमाडौं– चेरी गाडीको नेपालका लागि आधिकारिक वितरक एसपीजी अटोमोबाइल्सले दशैं तिहारलाई लक्षित गरी फेस्टिभल अफर ल्याएको छ । सो अफर अन्तर्गत ग्रहकले चेरी एसयूभी खरिद गर्दा ५ लाख ८९ हजारसम्म फाइदा पाउनेछन् । जसमा ४ लाख ५० हजारसम्म नगद छुट पाउन सकिने कम्पनीले जनाएको छ ।

नगद छुट वाहेक ग्राहकले १ वर्षको इन्स्यूरेन्स, सडक कर र नामसारी शुल्क समेत निशुल्क पाउनेछन् । साथै नाडा अटोशोमा वुकिङ लिएका ग्राहकलाई विशेष छुट समेत दिने कम्पनीको भनाई छ । चेरी गाडीमा ग्राहकले ३ वर्षसम्मको निशुल्क सर्भिसिङ र ३ वर्षसको वारेन्टि पाउँदै आएका छन् ।

चिनियाँ ब्रान्ड चेरीको नेपालमा टिग्गो ४ प्रो, ७ प्रो र ८ प्रो मोडलका एसयूभी उपलब्ध छन् ।