चेरीको पहिलो ईभी पिकअप लन्च, यस्तो छ मूल्य र विशेषता

चेरी अटोमोबाइलले आफ्नो पहिलो पूर्ण–विद्युतीय पिकअप ट्रक, हिमला (रिली आर०८) लन्च गरेको छ । कुल ६ भेरिएन्टमा उपलब्ध यस ईभी पिकअपको सुरुवाती मूल्य १८ हजार ३०० डलर निर्धारण गरिएको छ ।

बडी–अन–फ्रेममा तयार भएको सो ईभी सिंगल मोटर रियर ह्वील ड्राइभ र डुअल मोटर अल ह्वील ड्राइभ कन्फिगरेसनमा उपलब्ध हुने जनाइएको छ । हिमला ईभीमा हनीकोम्ब स्टायलका ब्ल्याक एलिमेन्टले सजाइएको ठूलो बहुभुज फ्रन्ट ग्रिलको साथ आकर्षक डिजाइन दिइएको छ ।

सो नयाँ ईभीमा थ्री स्पोक मल्टिफंक्शन स्टेयरिङ ह्वील, १५.६ इन्च इन्च फ्लोटिङ सेन्ट्रल कन्ट्रोल स्क्रिन, एडप्टिभ क्रुज कन्ट्रोल, लेन किपिङ असिस्ट र अटोमेटिक इमर्जेन्सि ब्रेकिङ लगायत आधुनिक फिचर उपलब्ध गराइएको छ ।

६६.५४ र ८८ किलोवाट आवर ब्याट्री प्याक विकल्पमा उपलब्ध हिमलाको सिंगल मोटर रियर ह्वील ड्राइभ भेरिएन्टमा १५० किलोवाट क्षमताको मोटर जडान गरिएको छ । त्यसैगरी डुअल मोटर अल ह्वील ड्राइभमा ३०० किलोवाट क्षमताको शक्तिशाली मोटर राखिएको छ । साथै, यसको रेन्ज ४०५ देखी ५०५ किलोमिटरसम्म दाबी गरिएको छ ।