मारुती सुजुकीले ल्यायो सस्तो भर्सनको कार, माइलेज पनि धेरै

मारुती सुजुकीले पपुलर ह्याचब्याक वागन आरको नयाँ भर्सन लन्च गरेको छ । यसको नाम वागन आर टुर एच३ राखिएको छ । भारतमा यसको मूल्य ५ लाख ३९ हजार भारु तोकिएको छ ।

फ्लिट मार्केटका लागि डिजाइन गरिएको वागनआर टुर एच३ सुपेरियर ह्वाइट र सिल्की सिल्भर गरी दुई कलर अप्सनमा उपलब्ध हुनेछ । कारमा स्पिड अलर्ट सिस्टम, ईबीडीका साथ एबीएस, ड्युअल एयरब्याग र फ्रन्ट पावर विन्डो जस्ता फिचर उपलब्ध छन् ।

यसमा १.० लिटरको थ्री सिलिन्डर इन्जिन छ, जसले ६४ बीएचपी पावर र ९० एनएम टर्क जेनेरेट गर्छ । यसमा ५–स्पिड म्यानुअल ट्रान्समिसन छ । यो सीएनजी भेरिएन्टमा समेत उपलब्ध छ ।

सुजुकीको यो ह्याचब्याक स्पोर्टी बडी कलर्ड बम्पर, ब्ल्याक आउट ओआरभीएम, ह्विल सेन्टर क्याप आदिका साथ उपलब्ध छ । त्यसैगरी यसमा ड्युअल टोन इन्टेरियर, फ्रन्ट क्याबिन ल्याम्प आदि उपलब्ध छ भने दुवैतिर हेडरेस्ट दिइएको छ । यी वाहेक साइड अटो डाउन फङसनका साथ फ्रन्ट पावर विन्डो, म्यानुअल एसी, रिक्लाइनिङ र फ्रन्ट स्लाइडिङ सिट, रियर पार्सल ट्रे जस्ता फिचर समेत छन् ।

सुरक्षाका लागि यसमा सेन्ट्रल डोर लकिङ, ड्युअल एयरब्याग, ईबीडीका साथ एबीएस, स्पिड लिमिट फङसन र रियर पार्किङ सेन्सर आदि छन् । यसको पेट्रोल भेरिएन्टले २५.४ किलोमिटर र सीएनजी भेरिएन्टले ३४.७३ किलोमिटर माइलेज दिने कम्पनीको दावी छ ।

मारुती सुजुकीको वागन आर निकै नै सफल मोडल हो । सन् १९९९ देखि बजारमा उपलब्ध यो कारमा विभिन्न क्लास लिडिङ फिचर उपलब्ध हुने गरेको छ ।