टोयोटाको सस्तो एसयूभी सार्वजनिक, ३४ किमी प्रति लिटरको माइलेज दिने

टोयोटाले दक्षिण अफ्रिकामा भिट्ज नामक नयाँ ह्याचब्याक सार्वजनिक गरेको छ । यो दक्षिण अफ्रिकामा सुजुकीको इन्ट्री लेवल उत्पादन हुनेछ । सो एसयूभी यही वर्षको दोस्रो त्रैमासिकमा बिक्रीको लागि उपलब्ध हुनेछ ।

भिट्ज सेलेरियोको नयाँ भर्सन हो । स्टारलेट, अर्बन क्रुजर र रुमियन पछि यो दक्षिण अफ्रिकामा उपलब्ध हुने चौथो ब्याज–इन्जिनियर मोडेल हुनेछ ।

सेकेन्ड जेनेरेसनको मारुती सुजुकी सेलेरियो सन् २०२१ को अन्ततिर भारतीय बजारमा प्रवेश गरेको थियो भने दक्षिण अफ्रिकामा पहिलो पटक अपडेट हुनेछ । यसमा कम्पनीको ब्याज परिवर्तन गर्नुका साथै अन्य केही परिवर्तन भएको छैन । यसको मूल्य टोयोटा अग्या भन्दा सस्तो हुनेछ ।

टोयोटा भिट्जको तौल लगभग ८०० किलोग्राम हुनेछ । सो कारमा सेन्ट्रल लकिङ, ४ वटा पावर विन्डोज, इलेक्ट्रिक ओआरभीएम, अटोमेटिक क्लाइमेट कन्ट्रोल, एएमटीमा हिल–होल्ड असिस्ट, किलेस इन्ट्री, माउन्टेड कन्ट्रोलसहितको स्टेयरिङ ह्विल, रियर विन्डस्क्रिन वाशर र वाइपर, रियर डिफोगर, ७ इन्चको टचस्क्रिन इन्फोटेनमेन्ट सिस्टम, हाइट एड्जस्टेबल ड्राइभर सिट, फ्रन्टमा फग ल्याम्पजस्ता फिचर उपलब्ध हुनेछ ।