चार्जिङ पूर्वाधार तयार गर्दै मारुती सुजुकी, पुलकार, चार्ज हब र स्मार्ट चार्ज पेटेन्ट

मारुती सुजुकीले भविष्यका लागि आफ्नो रणनीति तयार पारेको छ । यसैलाई ध्यानमा राख्दै कम्पनीले पुलकार, चार्ज हब र स्मार्ट चार्ज जस्ता नामहरू दर्ता गरेको छ ।

कम्पनीले गरेको दर्ताअनुसार कम्पनीले आफ्नै चार्जिङ इन्फ्रास्ट्रक्चर स्थापना गर्नेमा ध्यान केन्द्रित गरिरहेको छ, जसलाई मारुती सुजुकी चार्ज हबको नाममा लन्च गरिने बताइएको छ । साथै कम्पनीले धेरै भन्दा धेरै चार्जिङ स्टेशन पनि स्थापना गर्ने प्रयास गरिरहेको छ ।

मारुती सुजुकीले इलेक्ट्रिक सेगमेन्टमा पनि आफ्नो वर्चस्व कायम गर्न हरसम्भव प्रयास गरिरहेको छ । कम्पनीले जनवरी २०२३ मा भएको अटो एक्सपोमा पहिलोपटक तथा जापान मोबिलिटी शो २०२३ मा मारुती सुजुकी ईभीएक्स सार्वजनिक गरेको थियो ।

मारुती सुजुकी ईभीएक्स कम्पनीको पहिलो इलेक्ट्रिक कार हुनेछ । सो एसयूभी सन् २०२४ को अन्त्यसम्ममा भारतीय बजारमा लन्च हुने अपेक्षा गरिएको छ । ईभीएक्स इलेक्ट्रिक कार धेरै पटक परीक्षण समयमा देखिएको छ, जसमा यसको डिजाइन र रेन्जको बारेमा जानकारी सार्वजनिक भएको छ ।