चीनमा सर्बाधिक बिक्री हुने इलेक्ट्रिक कारको प्रतिस्पर्धी बन्दै चांगन मिनी ईभी : आउन सक्छ नेपाल

चिनियाँ कार निर्माता कम्पनी चांगनले सानो इलेक्ट्रिक कार ‘लुमिन कर्न’ बजारमा ल्याउने तयारी गरिरहेको छ । सो मिनी ईभीले चीनमा सबैभन्दा धेरै बिक्री हुने इलेक्टिक कार वुलिङ होङगुवाङ मिनी ईभीसँग प्रतिस्पर्धा गर्ने लक्ष्य राखेको छ ।

जनरल मोटर्सद्वारा बजारमा ल्याइएको सो धेरै बिक्री हुने वुलिङ होङगुवाङ मिनी ईभीसँग टक्कर लिनका लागि तयार भएको चांगनको लुमिन कर्न नामक मिनी ईभी चाइनिज बजारमा दुई भेरिएन्टमा उपलब्ध हुनेछ ।

एउटामा गोसन हाइटेकको ३० किलोवाट आवरको एलएफपी ब्याट्री हुनेछ, जसले १५० किलोमिटर रेन्ज दिनेछ भने अर्कोमा सीएटीएलको ३५ किलोवाट आवरको ब्याट्री हुनेछ, जसले १०१ किलोमिटरको रेन्ज दिनेछ । दुवै भेरिएन्टले २१० किलोमिटर प्रतिघण्टाको टप स्पिड दिनेछन् ।

चार सिट भएको लुमिन कर्नमा दुईवटा ढोका छन् । यसको लम्बाई ३२७० एमएम छ भने १७०० एमएम उचाईको छ । १५४५ एमएम फराकिलो भएको यो इलेक्ट्रिक कारको ह्विलबेस १९८० एमएमको छ ।

इन्टेरियरमा १०.२५ इन्चको इन्फोटेनमेन्ट सिस्टम छ क्लाइमेट कन्ट्रोल डायल, थ्री स्पोक स्टेयरिङ ह्विल र लेदर तथा फेब्रिकको मिक्स्चर छ ।

यो वर्षको जुन महिना पश्चात बजारमा आउने अनुमान गरिएको यो इलेक्ट्रिक कारको मूल्य भने हाल सम्म सार्वजनिक गरिएको छैन ।

नेपाली बजारमा समेत चांगनका गाडीहरु एमएडब्लु वृद्धि भेइकल्स प्रालिले बिक्री–वितरण गरिरहेको छ । यसका आधारमा भविष्यमा यो कार नेपाली बजारमा समेत आउने अनुमान गर्न सकिन्छ ।