धेरै संख्यामा नेपाल प्रस्थान गरे डीपल एस ०७ : आइतबार लन्च हुने, छिट्टै डेलिभरी गरिने

काठमाडौं – नेपालका लागि चांगनको आधिकारिक वितरक एमएडब्ल्यु वृद्धि अटोकर्पले नयाँ इलेक्ट्रिक एसयूभी डीपल एस ०७ आइतबार लन्च गर्ने तयारी गरेको छ । यस अनुसार आवश्यक तयारी भइरहेको कम्पनीको भनाइ छ ।

चांगन डीपल एस०७ एसयूभी नेपालका लागि प्रस्थान गरेका छन् र केही युनिट नेपाल आइसकेका छन् । नेपाली बजारमा आउने चर्चा चलेको केही समय भए पनि अब भने ग्राहकले सो गाडी पाउन सक्ने छन् । अब छिट्टै नै ग्राहकलाई गाडी समेत डेलिभरी गरिने कम्पनी स्रोतको भनाइ छ ।

चीनमा यसै वर्षको जुनमा लन्च भएको डीपल एस ०७ लाई चांगन अटोले क्याटल र हुवावेसंग साझेदारी गरेर निर्माण गरेको हो । ६६.८ र ७९.९७ किलोवाट आवर ब्याट्री प्याकमा उपलब्ध यसमा रियर माउन्टेड पिएमएस मोटर जडान गरिएको छ । जुन १६० र १९० किलोवाट अप्सनमा उपलब्ध छ । यसको रेन्ज ५२० र ६२० किलोमिटर दावी गरिएको छ ।

सो एसयूभीको पिक टर्क ३२० एनएम रहेको छ भने गाडी स्टार्ट भएको ६।७ सेकेन्डमै यसले शून्यदेखी १०० किलोमिटर प्रतिघन्टाको गति पकड्न सक्छ । १०० किलोमिटर यात्रा गर्न १४।२ किलोवाट आवर पावर खपत हुने यसको टप स्पिड १८० किलोमिटर प्रतिघन्टा रहेको छ ।

सो एसयूभीको इन्टेरियरमा १५.६ इन्चको फ्लोटिङ सेन्ट्रल कन्ट्रोल स्क्रिन, क्वालकम स्न्यापड्रयागन ८१५५ चीप र चालकसंगै अर्को सिटमा वस्ने यात्रुको मनोरन्जनका लागी १२.३ इन्चको स्मार्ट स्क्रिन लगायत फिचर दिइएको छ ।