एकै स्थानमा ७ ईभी ब्रान्डका गाडी एक्सचेन्ज गर्न सकिने, यस्ता छन् आकर्षक अफर

काठमाडौं – नेपालका लागि विभिन्न ईभी मोडलको आधिकारिक वितरक सीजी मोटर्सले आफूले नेपाली बजारमा उपलब्ध गराउँदै आएका विभिन्न ७ ब्रान्डका ईभीका लागि ‘मेगा सेल्स एण्ड एक्सचेन्ज कार्निभल’ आयोजना गर्ने भएको छ ।

माघ १५ गते बिहीबार देखि काठमाडौंको गैह्रीधारामा रहेको एलिस रिसेप्सनमा आयोजना हुने उक्त कार्निभल आगामी माघ १८ गते आइतबार सम्म चल्ने छ ।

सीजी मोटर्सले नेपाली बजारमा आधिकारिक रुपमा बिक्री–वितरण गरिरहेको एवोन, स्मार्ट, एक्सपेङ, रिडारा, किङलङ, दायुन र नेटा ब्रान्डका ईभीहरू सो अवसरमा साट्न सकिने छ । ग्राहकहरुले आफूसँग भएको कुनै पनि ब्रान्डको पुरानो गाडी ल्याएर आफूलाई मन पर्ने ब्रान्डको ईभी लिएर जान सक्ने छन् ।

उक्त मेगा सेल्स एण्ड एक्सचेन्ज कार्निभलमा रिडारा र दायुन ईभी वाहेक अन्यमा कम्पनीले १० लाख रुपैयाँसम्म नगद छुट दिने घोषणा गरेको छ । यसैगरी अन द स्पट बेस्ट एक्सचेन्ज भ्याल्यु प्रदान गरिने छ भने यसका लागि फाइनान्स सुविधा समेत तुरुन्तै उपलब्ध हुनेछ ।

कम्पनीले एक वर्षको अटो प्लस इन्स्योरेन्स, एक आर्थिक वर्षको वार्षिक कर र ७ किलोवाट क्षमताको वाल माउन्ट चार्जर दिने जनाएको छ ।

मेगा सेल्स एण्ड एक्सचेन्ज कार्निभललाई भव्य बनाउन कम्पनीले बालबच्चाको लागि किड्स जोन, फुड कोर्ट उपलब्ध हुनेछ भने हरेक टेस्ट ड्राइभमा गिफ्ट ह्याम्परको व्यवस्था समेत गरेको जनाएको छ ।

सो अवसरमा सहभागी हुन र लाभ लिन सीजी मोटर्सले ईभी प्रेमीहरुलाई आग्रह गरेको छ ।