सियट टायरको होली स्पेशल अफर, मोटरसाइकल टायर खरिद गर्दा ३ प्रतिशतसम्म नगद छुट

सियट टायरको नेपालका लागि आधिकारिक बितरक श्री एसटीसी ग्रुपले होली स्पेशल अफर ल्याएको छ । आज देखी लागु हुने उक्त अफर अन्तर्गत सियट ब्रान्डको मोटरसाइकल टायर खरिद गर्ने ग्राहकले ३ प्रतिशतसम्म नगद छुट पाउने छन् । यो अफर चैत १५ गतेसम्म लागु हुने वताइएको छ ।

भारतीय टायर उत्पादक सियटको नेपाली बजारमा सबै प्रकारका सवारीसाधनमा प्रयोग गर्न मिल्ने बिभिन्न साइज र प्याट्रनका टायर उपलब्ध रहँदै आएको छ । जसमध्ये मोटरसाइकल र स्कुटरमा यसको खपत बढीरहेको छ ।

उच्च गुणस्तरिय कच्चा पदार्थको प्रयोग गरी उत्पादन गरिने यो टायर बलियो, टिकाउ र उच्च माइलेजयुक्त रहेको कम्पनीले बताएको छ । भारतमा उत्पादन हुने बिभिन्न ब्रान्डका टु ह्विलरले ओर्ईएममा समेत यसको प्रयोग गरिरहेका छन् । यो टायर सुरक्षित यात्राको लागी समेत उपयोगी रहेको र मूल्य समेत सुलभ रहेको बताइएको छ ।