काठमाडौं उपत्यकामा चल्ने सवारी साधनमा सीसीटीभी जडान हुने

काठमाडौं - काठमाडौं उपत्यकामा चल्ने सार्वजनिक सवारीसाधानहरूमा सीसीटीभी  र ड्यासबोर्ड क्यामेरा जडान हुने भएको छ ।

काठमाडौं उपत्यका ट्राफिक प्रहरी कार्यालयले एक कार्यक्रम गर्दै उपत्यकाका तीनवटै जिल्लाहरू काठमाडौं, भक्तपुर र ललितपुरमा चल्ने बस तथा माइक्रो बसहरूमा सीसीटीभी अनिवार्य हुनुपर्ने व्यवस्था गरेको हो ।

सार्वजनिक सवारीसाधानभित्र पाकेटमार तथा अभद्र व्यवहारहरू हुने गरेको गुनासो आएपछि सीसी क्यामेरा जोड्ने अभियान चलाइएको ट्राफिक प्रहरीले जनाएको छ ।

यस्ता क्यामेरा जडानले दुर्घटना कसरी, के कारण भयो भन्ने पत्ता लगाउन पनि सहज हुने बताइएको छ ।